Air Products – گاز يندۋسترياسىنىڭ حالىقارالىق كوشباسشىسى, ول الەمنىڭ 50-دەن استام ەلىندە جۇمىس جۇرگىزەدى.
كەزدەسۋ بارىسىندا گاز حيمياسى, كومىر حيمياسى, سۋتەگى ەنەرگەتيكاسى سالاسىنداعى ىنتىماقتاستىقتى دامىتۋعا, سونداي-اق وتاندىق مەتاللۋرگيا وندىرىستەرىنىڭ تيىمدىلىگىن ارتتىرۋعا ەرەكشە نازار اۋدارىلدى.
ولجاس بەكتەنوۆ قازاقستان جاڭا ساپا ەكونوميكاسىنا دايەكتى تۇردە كوشىپ كەلە جاتقانىن, مۇندا نەگىزگى باسىمدىقتار تەحنولوگيالىق جاڭعىرتۋ, تەحنولوگيالار ترانسفەرى جانە زاماناۋي وندىرىستەر قۇرۋ بولىپ وتىرعانىن اتاپ ءوتتى.
ء«بىز جەتەكشى حالىقارالىق كومپانيالارمەن سەرىكتەستىككە ۇلكەن ءمان بەرەمىز جانە وزىق تەحنولوگيالاردى دامىتۋ باعىتىنداعى ءوزارا ءتيىمدى ىنتىماقتاستىققا ءاردايىم اشىقپىز. قازاقستان ايتارلىقتاي رەسۋرستىق الەۋەتكە يە جانە جاڭا يندۋستريالىق سالالاردى قالىپتاستىرۋ بويىنشا جۇيەلى جۇمىس جۇرگىزىلىپ كەلەدى», دەپ اتاپ ءوتتى ولجاس بەكتەنوۆ.
Air Products كومپانياسىنىڭ ەۋروپا جانە افريكا وڭىرلەرى بويىنشا پرەزيدەنتى يۆو بولس قازاقستانمەن ارىپتەستىكتى كەڭەيتۋگە جانە ەكونوميكانىڭ باسىم سەكتورلارىندا بىرلەسكەن باستامالاردى جۇزەگە اسىرۋعا قىزىعۋشىلىق تانىتتى.
ولجاس بەكتەنوۆ دارىلىك زاتتاردى 1 شىلدەگە دەيىن تىركەۋدى تاپسىردى
كەزدەسۋ قورىتىندىسى بويىنشا پرەمەر-مينيستر «سامۇرىق-قازىنا» ۇاق» اق باسقارما توراعاسىنا Air Products كومپانياسىمەن كەلەشەگى زور بىرلەسكەن جوبالاردىڭ ناقتى پىسىقتالۋىن جانداندىرۋدى تاپسىردى.
