فوتو: اشىق دەرەككوز
نەگىزگى وزگەرىستەردىڭ ءبىرى – پەداگوگتەردىڭ ءبىلىم الۋشىلار ءۇشىن جاۋاپكەرشىلىگىن تەك وقۋ پروتسەسى اياسىندا بەلگىلەۋ. ال بالالاردىڭ ءومىرى, دەنساۋلىعى مەن قاۋىپسىزدىگى ءۇشىن اتا-انالاردىڭ جاۋاپكەرشىلىگى كەڭەيتىلەدى.
سونىمەن قاتار پەداگوگتەردى قاعاز جانە ەلەكتروندىق فورماتتا ءبىر مەزگىلدە ەسەپ جۇرگىزۋ مىندەتىنەن بوساتۋ قاراستىرىلعان. ياعني ءبىلىم بەرۋ ۇيىمدارىندا ەسەپتىلىكتى قاتار جۇرگىزۋگە تىيىم سالىنادى, بۇل مۇعالىمدەردىڭ جۇكتەمەسىن ازايتۋعا مۇمكىندىك بەرەدى.
تاعى ءبىر ماڭىزدى جاڭالىق – ورتا ءبىلىم بەرۋ ۇيىمدارىندا ۇيالى قۇرىلعىلاردى پايدالانۋدىڭ بىرىڭعاي ەرەجەلەرى ەنگىزىلەدى. بۇل وقىتۋ پروتسەسىن جۇيەلەۋگە جانە ءتارتىپتى نىعايتۋعا باعىتتالعان.
قۇجاتتا سونداي-اق جەرگىلىكتى اتقارۋشى ورگاندار دەڭگەيىندە مەكتەپ وقۋشىلارىن عىلىمي جۇمىسقا تارتۋ شارالارى كوزدەلگەن. بۇل جاس ۇرپاقتىڭ زەرتتەۋشىلىك قابىلەتىن دامىتۋعا جول اشادى.
ءبىلىم سالاسىنداعى وزگەرىس: مۇعالىمدەر ءۇشىن اۆتورلىق باعدارلاما جازۋ تالابى جويىلادى
بۇدان بولەك, ۇكىمەت باستاماسىمەن جەتەكشى شەتەلدىك ۋنيۆەرسيتەتتەردىڭ قازاقستاندا جۇمىس ىستەۋىنە قولايلى قۇقىقتىق ورتا قالىپتاستىرۋ قاراستىرىلعان. فيليالدار مەملەكەتتىك جالپىعا مىندەتتى ءبىلىم بەرۋ ستاندارتتارى ساقتالعان جاعدايدا اشىلادى.
جالپى, ۇسىنىلعان تۇزەتۋلەر ءبىلىم بەرۋ جۇيەسىن جەتىلدىرۋگە, پەداگوگ مارتەبەسىن ارتتىرۋعا جانە وقۋ پروتسەسىن ءتيىمدى ۇيىمداستىرۋعا باعىتتالعان.
اتتەستاتسيا جۇيەسىندەگى وزگەرىستەر: تەست تاپسىرىپ ۇلگەرمەگەندەردىڭ ساناتى ساقتالا ما؟
