فوتو: اشىق دەرەككوز
اكىمشىلىك قۇقىق بۇزۋشىلىق تۋرالى كودەكسكە ەنگىزىلگەن وزگەرىستەرگە سايكەس, ەكسترەميستىك جانە تەرروريستىك ماتەريالداردى دايىنداۋ, ساقتاۋ, اكەلۋ, تاسىمالداۋ جانە تاراتۋ ءۇشىن بۇرىننان بەلگىلەنگەن جاۋاپكەرشىلىككە قوسا, ەندى ولاردى باسىپ شىعارعانى ءۇشىن دە اكىمشىلىك جاۋاپكەرشىلىك قاراستىرىلادى. بۇل نورما «تەرروريزمگە قارسى ءىس-ارەكەت تۋرالى» جانە «ەكسترەميزمگە قارسى ءىس-ارەكەت تۋرالى» زاڭدارمەن, سونداي-اق ازاماتتىق پروتسەستىك كودەكسپەن ۇيلەستىرۋگە باعىتتالعان.
سونىمەن بىرگە زاڭنامالىق ۇيلەسىمدىلىكتى قامتاماسىز ەتۋ ماقساتىندا ازاماتتىق پروتسەستىك كودەكسكە جانە اتالعان سالالىق زاڭدارعا ەكسترەميستىك جانە تەرروريستىك ماتەريالداردى تاسىمالداۋعا تىيىم سالاتىن تۇزەتۋلەر ەنگىزىلدى. بۇل وزگەرىستەر قۇقىق بۇزۋشىلىقتاردىڭ تارالۋ ارنالارىن شەكتەۋگە جانە ولاردىڭ الدىن الۋعا مۇمكىندىك بەرەدى.
بۇدان بولەك, تەرروريزمگە قارسى ءىس-ارەكەتتى جانە ەكسترەميزمنىڭ الدىن الۋدى جۇزەگە اسىراتىن مەملەكەتتىك ورگانداردىڭ قۇزىرەتى ناقتىلاندى. بۇل – جاۋاپتى قۇرىلىمداردىڭ مىندەتتەرى مەن وكىلەتتىكتەرىن ايقىنداپ, سالاداعى جۇمىستىڭ تيىمدىلىگىن ارتتىرۋعا باعىتتالعان قادام.
