فوتو: اشىق دەرەككوز
وقيعا بيىلعى جىلدىڭ 27 اقپانىندا قىزىلجار اۋدانىنىڭ بەسكول اۋىلىندا بولعان. سوت ماتەريالدارىنا سۇيەنسەك, ماس كۇيىندە كەلگەن تانىسىن ۇيىنەن قۋىپ شىعا الماعان سوتتالۋشى ونىڭ جەلكە تۇسىنان بالتامەن ەكى رەت سوققى بەرگەن. العان جاراقاتىنان ەر ادام وقيعا ورنىندا ءتىل تارتپاي كەتكەن.
قىلمىسىن جاسىرۋ ءۇشىن ايەل ەدەندەگى قان ىزدەرىن جۋىپ, ءمايىتتى جاتىن بولمەدەگى توسەكتىڭ استىنا تىعىپ قويعان. كۇدىكتى بىرنەشە كۇن بويى ءمايىت جاتقان ۇيدە ۇيىقتاپ, جۇمىسىنا بارىپ, كورشىلەرىمەن ەمىن-ەركىن ارالاسىپ جۇرگەن. ءتىپتى, پوليتسەيلەر ۇيىنە ىزدەپ كەلگەندە دە سىر بەرمەگەن. تەك بولمەدەگى جاعىمسىز ءيىس قانا قىلمىستىڭ بەتىن اشتى.
سوتتالۋشى ءوزىنىڭ ارەكەتىن «تەك قورقىتقىم كەلدى» دەپ اقتاۋعا تىرىسقانىمەن, سوت ونىڭ بۇرىن دا كىسى ولتىرگەنى ءۇشىن سوتتالعانىن ەسكەرگەن. ونىڭ ارەكەتىندە قىلمىستىڭ قاۋىپتى رەتسيديۆى انىقتالعان.
ناتيجەسىندە ايەل كىنالى دەپ تانىلىپ, 14 جىلعا باس بوستاندىعىنان ايىرىلدى. ول جازاسىن قاۋىپسىزدىگى بارىنشا جوعارى مەكەمەدە وتەيدى. سونداي-اق سوتتالۋشىعا جازاسىن وتەۋ ورنى بويىنشا ماسكۇنەمدىكتەن ءماجبۇرلى تۇردە ەمدەلۋ تاعايىندالدى.
ءمايىتتى جىلدار بويى جاسىرعان: مايقايىڭداعى وقيعاعا قاتىستى جاڭا مالىمەتتەر جاريالاندى
ۇكىم زاڭدى كۇشىنە ەنگەن جوق.
