اۋىر جاراقات العان 20 جاستاعى ءانۋار مۇساەۆ وقيعا ورنىندا كوز جۇمعان. جاقىندارىنىڭ سوزىنشە, ول الماتى قالاسىنىڭ تۇرعىنى بولعان, ال كۇدىكتىلەر جاركەنت قالاسىنان كەلگەن.
تۋىستارى باستاپقىدا قۇقىق قورعاۋ ورگاندارى تەك ءبىر ادامدى ۇستادى دەپ مالىمدەگەن. الايدا پوليتسيا بىرنەشە كۇدىكتىنىڭ قولعا تۇسكەنىن حابارلادى.
الماتى وبلىسى پوليتسيا دەپارتامەنتىنىڭ وكىلى ەرنار ءسايدىلديننىڭ مالىمەتىنشە, جەدەل-ىزدەستىرۋ شارالارى بارىسىندا 20 جاستاعى نەگىزگى كۇدىكتى ۇستالىپ, قاماۋعا الىنعان.
سونىمەن قاتار بۇزاقىلىق دەرەگى بويىنشا تاعى ءۇش ادام ۇستالىپ, ۋاقىتشا ۇستاۋ يزولياتورىنا قامالدى. كەيىن سوت شەشىمىمەن ولاردىڭ ەكەۋىنە ۇيقاماق تۇرىندەگى بۇلتارتپاۋ شاراسى تاعايىندالدى. ال كامەلەتكە تولماعان كۇدىكتىگە قاتىستى قوعامنان وقشاۋلاۋمەن بايلانىستى ەمەس شارا قولدانىلعان.
تالعارداعى ادام ءولىمى مەن بالا ۇرلىعى: ۋچاسكەلىك ينسپەكتورعا ۇكىم شىقتى
قازىرگى ۋاقىتتا وقيعانىڭ بارلىق ءمان-جايىن انىقتاۋ ماقساتىندا تەرگەۋ امالدارى جالعاسىپ جاتىر.
