كاسپي تەڭىزىنىڭ تۇبىمەن وتەتىن كابەل جەلىسىنىڭ قۇرىلىسى 380 شاقىرىمدى قامتيدى. قۇرىلىس جۇمىستارى اياقتالعان جاعدايدا ونىڭ وتكىزۋ قابىلەتى 400 تبيت/س-قا دەيىن جەتپەك. جوبا قازاقستان مەن ازەربايجاننىڭ ۇلتتىق تەلەكوم وپەراتورلارى بىرلەسىپ قۇرعان CaspiLink B.V. كومپانياسى ارقىلى جۇزەگە اسىرىلادى.
مينيسترلىكتىڭ مالىمەتىنشە, قازىرگى تاڭدا قازاقستان ەۋروپا مەن ازيا اراسىنداعى ينتەرنەت-ترافيك ترانزيتىندە شامامەن 1,5 پايىز ۇلەسكە يە. 2027 جىلعا قاراي بۇل كورسەتكىشتى 5 پايىزعا دەيىن ارتتىرۋ جوسپارلانىپ وتىر. جوبا حالىقارالىق بايلانىس وتكىزۋ قابىلەتىن 54 پايىزعا دەيىن ۇلعايتۋعا مۇمكىندىك بەرەدى.
جوبانى قارجىلاندىرۋ «قازاقتەلەكومنىڭ» ءوز قاراجاتى ەسەبىنەن جۇزەگە اسىرىلىپ جاتىر. الايدا كەلىسىمدەردىڭ قۇپيالىلىق شارتتارىنا سايكەس, نەگىزگى قارجىلىق مودەل, كۇتىلەتىن تابىس, وتەلۋ مەرزىمى جانە ىشكى كىرىستىلىك كورسەتكىشتەرى دە جاريا ەتىلمەيدى. CaspiLink B.V. تابىسى قازاقستان, ورتالىق ازيا, قىتاي جانە ەۋروپا اراسىنداعى ينتەرنەت-ترافيك ترانزيتىنەن قالىپتاسادى.
ترانسكاسپيلىك جوبا قازاقستاننىڭ تسيفرلىق ينفراقۇرىلىمىن دامىتۋداعى جانە حالىقارالىق ينتەرنەت ءدالىزىن كەڭەيتۋدەگى ستراتەگيالىق ماڭىزدى باستامالاردىڭ ءبىرى بولىپ سانالادى.
