وقيعا 2026 جىلعى 13 ناۋرىزدا ءبىر ساۋدا ءۇيىنىڭ اۆتوتۇراعىندا بولعان. تەرگەۋ مالىمەتىنشە, ەر ادام ماس كۇيىندە بولىپ, كورسەتىلگەن مەديتسينالىق كومەكتىڭ ساپاسىنا كوڭىلى تولماي, جەدەل جاردەم بريگاداسىمەن سوزگە كەلىپ قالعان. كەيىن ول اگرەسسيا تانىتىپ, فەلدشەردى سوققىعا جىققان. اۋىر جاراقاتتار تىركەلمەگەن.
سوت پروتسەسىندە ايىپتالۋشى ءوز كىناسىن مويىنداپ, باس بوستاندىعىنان ايىرۋسىز جازا سۇراعان. ال جابىرلەنۋشى قاتاڭ جازا تاعايىنداۋدى تالاپ ەتتى. پروكۋرور 1 جىل 6 اي باس بوستاندىعىنان ايىرۋدى ۇسىندى.
الماتىدا جەدەل جاردەم قىزمەتكەرىنە شابۋىل جاساعان كۇدىكتى ۇستالدى
سوتتىڭ مالىمەتىنشە, ايىپتالۋشى بۇرىن سوتتالماعانىمەن, قوعامدىق ءتارتىپ بۇزعانى جانە قوعامدىق ورىندا الكوگول ىشكەنى ءۇشىن اكىمشىلىك جاۋاپكەرشىلىككە بىرنەشە رەت تارتىلعان. جەڭىلدەتەتىن جاعداي رەتىندە ونىڭ وكىنىش ءبىلدىرۋى ەسكەرىلسە, اۋىرلاتاتىن فاكتور رەتىندە وقيعا كەزىندەگى ماس كۇيى تانىلدى.
ناتيجەسىندە سوت وعان 1 جىل 6 اي مەرزىمگە, قاۋىپسىزدىگى تومەن مەكەمەدە جازاسىن وتەۋدى بەلگىلەدى. ۇكىم ازىرگە زاڭدى كۇشىنە ەنگەن جوق.
ايتا كەتەيىك, سوڭعى جىلدارى مەديتسينا قىزمەتكەرلەرىنە قارسى زورلىق جاعدايلارى جيىلەپ وتىر. بۇعان دەيىن دە قازاقستاندا دارىگەرلەرگە شابۋىل جاساۋ فاكتىلەرى تىركەلىپ, بۇل ماسەلە قوعامدا ۇلكەن رەزونانس تۋدىرعان.
وسىعان بايلانىستى مەملەكەت مەديتسينالىق قىزمەتكەرلەردىڭ قاۋىپسىزدىگىن كۇشەيتۋ شارالارىن قابىلداپ, زاڭناماعا وزگەرىستەر ەنگىزىپ, ولارعا قارسى ارەكەت ءۇشىن قاتاڭ جازا قاراستىرۋدى قولعا العان.
