فوتو: اشىق دەرەككوز
ءمينيستردىڭ مالىمدەۋىنشە, بيىلدان باستاپ ەرەكشە قاجەتتىلىكتەرى بار ادامداردى جۇمىسقا ورنالاستىرۋعا ارنالعان كۆوتا سانى ايتارلىقتاي ارتادى. سونداي-اق مينيسترلىك بيىلعى ءبىرىنشى جارتىجىلدىقتىڭ سوڭىنا دەيىن ۇيىمدار تىزبەسىن تسيفرلىق ەسەپكە الۋدىڭ جاڭا ءتاسىلىن ازىرلەيدى.
«مۇگەدەكتىگى بار ادامداردى جۇمىسقا ورنالاستىرۋ ءۇشىن تسيفرلىق جۇمىسپەن قامتۋ قىزمەتى ەنگىزىلەدى, ول جۇمىسقا ورنالاستىرعانعا دەيىن ازاماتتاردى بەلسەندى سۇيەمەلدەۋ مودەلىنە كوشۋدى قامتاماسىز ەتەدى. وسى جىلدان باستاپ ءبىز 17 مىڭعا جۋىق مۇگەدەك ادامدى كۆوتامەن قامتۋدى جوسپارلاپ وتىرمىز, بۇل 2025 جىلمەن سالىستىرعاندا 2 ەسە كوپ», دەدى ۆەدومستۆو باسشىسى.
وتكەن جىلدىڭ قورىتىندىسى بويىنشا ەلىمىزدە ەڭبەككە قابىلەتتى 413,7 مىڭ ەرەكشە جاننىڭ 110,8 مىڭى جۇمىسپەن قامتىلعان.
جۇمىسپەن قامتۋدىڭ ەڭ جوعارى كورسەتكىشى ۇلىتاۋ وبلىسى مەن قاراعاندى وڭىرىندە بايقالادى. 8,1 مىڭ ادام ارنايى كۆوتا شەڭبەرىندە تۇراقتى جۇمىس تاپتى.
مينيسترلىك وزگە كاسىپورىندارعا ۇلگى بولاتىن «توپ-10 الەۋمەتتىك جاۋاپتى جۇمىس بەرۋشى» ءتىزىمىن دە ەرەكشە اتاپ ءوتتى. بۇل كومپانيالار ينكليۋزيانى كەڭەيتۋدە مەملەكەتتىڭ باستى سەرىكتەستەرىنە اينالىپ وتىر.
