فوتو: تجم
ۆەدومستۆو باسشىسى اۆياتسيانى دامىتۋ تجم قىزمەتىنىڭ باسىم باعىتتارىنىڭ ءبىرى ەكەنىن اتاپ ءوتتى. اۆياتسيالىق جاساقتار توتەنشە جاعدايلارعا دەن قويۋ جۇيەسىندە ەرەكشە ءرول اتقارىپ, قۇتقارۋ وپەراتسيالارىنىڭ جەدەلدىگىن, ۇتقىرلىعىن جانە تيىمدىلىگىن قامتاماسىز ەتەدى.
جاڭعىرتۋ اۆياتسيالىق ينفراقۇرىلىمدى پايدالانۋدىڭ زاماناۋي تالاپتارىن ەسكەرە وتىرىپ جۇرگىزىلدى. جاڭارتۋ بارىسىندا بىرقاتار جۇمىس كەشەنى اتقارىلدى, ىشكى ءۇي-جايلار جوندەلىپ, جارىقتاندىرۋ جۇيەلەرى مەن ەلەكتر جابدىقتارى جاڭعىرتىلدى, قۇرىلىس كونسترۋكتسيالارى قالپىنا كەلتىرىلدى, ورتالىقتاندىرىلعان سۋمەن جابدىقتاۋ جۇيەسىنە قوسىلۋ قامتاماسىز ەتىلدى.
جۇرگىزىلگەن ءىس-شارالار نىساننىڭ پايدالانۋ سيپاتتامالارىن ەداۋىر جاقسارتۋعا جانە قىزمەتكەرلەر ءۇشىن نەعۇرلىم قولايلى جاعداي جاساۋعا مۇمكىندىك بەردى. مۇندا جىل بويى ۇشۋعا تۇراقتى دايىندىقتا تۇراتىن ەس-145 «ەۆروكوپتەر» تىكۇشاعى ورنالاسقان. ول توتەنشە جاعدايلاردى جويۋ كەزىندە, سونىڭ ىشىندە جەتۋى قيىن اۋدانداردا, سونداي-اق سانيتاريالىق اۆياتسيا جەلىسى بويىنشا ۇشۋلاردى ورىنداۋ ءۇشىن پايدالانىلادى.
سونداي-اق ۇشۋ جانە ينجەنەرلىك-اۆياتسيالىق قۇرام قىزمەتكەرلەرى تاۋلىك بويى كەزەكشىلىك اتقارىپ, اۆياتسيالىق تەحنيكانىڭ تاپسىرمالاردى ورىنداۋعا ءاردايىم دايىن بولۋىن قامتاماسىز ەتەدى. انگار اۋە كەمەسىن ساقتاۋعا, تەحنيكالىق قىزمەت كورسەتۋگە جانە جۋعا, سونداي-اق جابدىقتار مەن پەرسونالدىڭ جۇمىس ورىندارىن ورنالاستىرۋعا ارنالعان. سونداي-اق پاۆلودار قالاسى اۋەجايىن رەكونسترۋكتسيالاۋ اياسىندا اۋىر كلاستى مي-8 تىكۇشاعىنا ارنالعان اۆياتسيالىق انگار سالۋ ءۇشىن بولىنگەن جەر ۋچاسكەسى قارالدى.
