فوتو: شقو پوليتسيا دەپارتامەنتى
پوليتسيانىڭ مالىمەتىنشە, كۇدىكتىنى ءتىنتۋ بارىسىندا ۇنتاق ءتارىزدى زاتى بار 12 تۇيىنشەك جانە ۇيالى تەلەفون تاركىلەنگەن. پاتەردى ءتىنتۋ كەزىندە قوسىمشا تاعى بەس ۇيالى تەلەفون تابىلعان.
زەرتتەۋ ناتيجەلەرى بويىنشا تاركىلەنگەن زاتتىڭ جالپى سالماعى 20 گرامنان اساتىن «ا-PVP» پسيحوتروپتىق زاتى ەكەنى انىقتالدى. بۇل قولدانىستاعى قىلمىستىق زاڭناماعا سايكەس ءىرى مولشەرگە جاتادى.
كۇدىكتى 2026 جىلدىڭ قاڭتار ايىندا الماتى قالاسىندا Telegram مەسسەندجەرى ارقىلى كۋرەر-جاسىرۋشى بولىپ جۇمىسقا ورنالاسقان. ناۋرىز ايىنىڭ باسىندا كۋراتوردىڭ نۇسقاۋىمەن ول وسكەمەنگە كەلىپ, باسپانا جالداپ, تىيىم سالىنعان زاتتاردى تاراتۋمەن اينالىسقان.
«كۇدىكتى ۋاقىتشا ۇستاۋ يزولياتورىنا قامالدى. سوتقا دەيىنگى تەرگەۋ امالدارى جۇرگىزىلىپ جاتىر», دەلىنگەن شقو پوليتسيا دەپارتامەنتىنىڭ حابارلاماسىندا.
