اتوم ەنەرگياسى جونىندەگى اگەنتتىكتىڭ مالىمەتىنشە, ستراتەگيا اياسىندا ءىرى ستانتسيالاردان بولەك, ەلىمىزدىڭ قولايلى وڭىرلەرىندە شاعىن مودۋلدىك رەاكتورلار (شمر) بازاسىندا اەس سالۋ نۇسقالارى دا زەردەلەنبەك. بۇل رەتتە تەحنولوگيالىق مۇمكىندىكتەر مەن ەكونوميكالىق تيىمدىلىك باستى نازاردا بولادى. سونىمەن قاتار ۋاقىت وتە كەلە پايدالانۋ مەرزىمى اياقتالاتىن ەسكى كومىر ەلەكتر ستانتسيالارىن زاماناۋي اتومدىق قۋاتتارمەن الماستىرۋ مۇمكىندىگى دە قاراستىرىلىپ وتىر.
مۇنداي اۋقىمدى جوبالاردىڭ جۇزەگە اسۋى ەنەرگەتيكالىق سەكتوردى ارتاراپتاندىرۋعا جول اشادى. سالا ماماندارىنىڭ پىكىرىنشە, اتوم ەنەرگەتيكاسىن دامىتۋ ەلدىڭ ەنەرگەتيكالىق قاۋىپسىزدىگىن نىعايتىپ, مەملەكەتتىڭ وسى سالاداعى تاۋەلسىزدىگىن ەداۋىر ارتتىرۋعا مۇمكىندىك بەرەدى.
پرەزيدەنت: اەس-ءتىڭ اياقتالعانىن كۇتپەي جاڭا ەنەرگيا كوزدەرىن ىسكە قوسۋ كەرەك
ەسكە سالا كەتەيىك, قازاقستانداعى العاشقى اتوم ەلەكتر ستانتسياسىنا «بالقاش» دەگەن اتاۋ بەرىلدى.
