فوتو: اشىق دەرەككوز
كەلىسىم اياسىندا وڭتۇستىك كورەيا جىل سوڭىنا دەيىن قازاقستاننان 18 ميلليون باررەل شيكى مۇناي ساتىپ الادى. وڭتۇستىك كورەيا پرەزيدەنتىنىڭ اكىمشىلىگىنىڭ باسشىسى كان حۋن سيكتىڭ سوزىنشە, سەۋل ەنەرگيا قاۋىپسىزدىگىن قامتاماسىز ەتۋ ءۇشىن قازاقستاندى نەگىزگى سەرىكتەستەردىڭ ءبىرى رەتىندە قاراستىرىپ وتىر.
وڭتۇستىك كورەيا قازاقستانمەن قاتار ساۋد ارابياسى, ومان جانە قاتار ەلدەرىنەن جالپى كولەمى 273 ميلليون باررەل مۇناي جەتكىزۋگە ۋاعدالاسقان. بۇل ەلدىڭ قالىپتى جاعدايداعى ءۇش ايلىق تۇتىنۋ مۇقتاجىن تولىق وتەيدى. سونداي-اق كورەيانىڭ مۇناي حيمياسى سالاسىنا قاجەتتى 4 ميلليون توننا نافتا ساتىپ الىناتىن بولدى.
پارسى شىعاناعىنداعى سوعىستان مۇناي ەكسپورتى 44 پايىزعا قۇلدىراعان
تاياۋ شىعىستاعى قارۋلى قاقتىعىستارعا بايلانىستى مۇناي تاسىمالى ءداستۇرلى ورمۇز بۇعازىن اينالىپ وتەتىن قاۋىپسىز بالاما جولدار ارقىلى ۇيىمداستىرىلادى. اتاپ وتسەك, وتكەن جىلى وڭتۇستىك كورەيا شيكى مۇناي يمپورتىنىڭ 61 پايىزىن جانە نافتا يمپورتىنىڭ 54 پايىزىن ورمۇز بۇعازى ارقىلى العان.
نۇربولات امانبەك
