فوتو: اشىق دەرەككوز
ەسمۇحان نەسىپباي ۇلى سانالى عۇمىرىن قازاق تەاتر ونەرىنىڭ دامۋىنا, ساحنا مادەنيەتىنىڭ وركەندەۋىنە, ۇلتتىق رەجيسسۋرا مەن اكتەرلىك مەكتەپتىڭ قالىپتاسۋىنا ارناعان كورنەكتى تۇلعا بولاتىن. ۇلت مادەنيەتىنىڭ مەرەيىن وسىرگەن, تەاتر ونەرىنىڭ ابىرويىن اسقاقتاتقان ارداقتى ازامات قاي كەزەڭدە دە ونەرگە ادالدىقتىڭ, كاسىبىنە جاۋاپكەرشىلىكتىڭ ۇلگىسىن كورسەتە ءبىلدى.
مادەنيەت جانە اقپارات مينيسترلىگى قازاقستاننىڭ حالىق ارتىسىنىڭ دۇنيەدەن وتۋىنە بايلانىستى وتباسى مەن جاقىن تۋىستارىنا, تۋعان حالقىنا كوڭىل ايتتى.
«ول تاربيەلەگەن بۋىن, ساحنالاعان تۋىندىلار مەن قالىپتاستىرعان كوركەمدىك ۇستانىم قازاق تەاترىنىڭ التىن قورىندا قالا بەرمەك. ۇلتتىق مادەنيەتتىڭ دامۋىنا سۇبەلى ۇلەس قوسقان ەسمۇحان نەسىپباي ۇلىنىڭ جارقىن بەينەسى, شىعارماشىلىق مۇراسى مەن عيبراتتى عۇمىر جولى حالقىمىزدىڭ جادىندا ماڭگى ساقتالادى دەپ سەنەمىز. مارقۇمنىڭ جانى ءجانناتتا, يمانى سالامات, توپىراعى تورقا بولسىن», دەلىنگەن مينيسترلىكتىڭ كوڭىل ايتۋ حاتىندا.
