بۇۇ شتاب-پاتەرىندە وتكەن جۋرناليستەرگە ارنالعان بريفينگ بارىسىندا باس حاتشى سوعىس جۇرگىزۋ جانە كۇش قولدانۋ قاعيداتتارىنىڭ بارعان سايىن ەسكەرۋسىز قالىپ جاتقانىن اتاپ ءوتتى. ونىڭ ايتۋىنشا, گۋمانيتارلىق مىندەتتەمەلەر جۇيەلى تۇردە بۇزىلىپ, جەكەلەگەن جاعدايلاردا بۇۇ قىزمەتكەرلەرىنىڭ قاۋىپسىزدىگىنە قاتىستى كەپىلدىكتەر ساقتالماي وتىر. سونىڭ سالدارىنان بەيبىت تۇرعىندار اۋىر زارداپ شەگىپ جاتىر.
ساياساتكەر: تاياۋ شىعىستاعى تۇراقسىزدىق ورتالىق ازياعا دا اسەر ەتۋى مۇمكىن
گۋتەرريش تاياۋ شىعىستاعى احۋالعا ەرەكشە نازار اۋدارىپ, اتالعان قاقتىعىستىڭ اسكەري جولمەن شەشىمى جوق ەكەنىن قاداپ ايتتى. ول تاراپتاردى كەلىسسوزدەردى قايتا جانداندىرۋعا, اتىستى توقتاتۋ رەجيمىن قاتاڭ ساقتاۋعا جانە ورمۇز بۇعازىنداعى تەڭىز قاتىناسىنىڭ ەركىندىگىن قامتاماسىز ەتۋگە شاقىردى.
«قازىرگى كەزەڭ – ەسكالاتسيا ۋاقىتى ەمەس, سابىرلىلىق پەن ديپلوماتياعا باسىمدىق بەرەتىن كەزەڭ. بۇل – بىرىككەن ۇلتتار ۇيىمىنىڭ بەيبىتشىلىك, ادىلەتتىلىك, مەملەكەتتىك ەگەمەندىك جانە ادام قادىر-قاسيەتىن قورعاۋعا باعىتتالعان ينستيتۋتتار مەن قاعيداتتاردى بەرىك قولدايتىنىن بىلدىرەتىن ايقىن بەلگى», دەپ اتاپ ءوتتى بۇۇ باس حاتشىسى.
قاسىم-جومارت توقاەۆ تاياۋ شىعىستاعى سوعىستى تولىق توقتاتۋ تۋرالى كەلىسىمدى قۇپتايدى
انتونيۋ گۋتەرريش وسى اپتادا گااگا قالاسىنا بارىپ, گااگا حالىقارالىق سوتىنىڭ قۇرىلعانىنا 80 جىل تولۋىنا ارنالعان ءىس-شارالارعا قاتىساتىنىن مالىمدەدى. ونىڭ ايتۋىنشا, بۇل ساپار حالىقارالىق قۇقىق نورمالارىن بارلىق مەملەكەتتەردىڭ مۇلتىكسىز ساقتاۋ قاجەتتىگىن ايقىندايتىن ماڭىزدى ساياسي سيگنال بولماق.
نۇربولات امانبەك
