ءىس-شارا اياسىندا جازۋشىلار وداعى باسقارماسى توراعاسىنىڭ ورىنباسارى بەيبىت سارىباي, قازاقستاننىڭ ەڭبەك سىڭىرگەن قايراتكەرى, جازۋشى ساۋلە دوسجان, اقىن باقىتجان توباياقوۆ, بالالار جازۋشىسى قانات قايىم سىندى قالامگەرلەر ءسوز سويلەپ, جاڭا كىتاپتىڭ وقىرمانى كوپ بولۋىن تىلەدى.
سونداي-اق تۇساۋكەسەر بارىسىندا وتباسى قۇندىلىقتارىن دارىپتەۋ, ۇلتتىق ادەبيەت پەن مادەنيەتكە دەگەن سۇيىسپەنشىلىكتى ارتتىرۋ, وسكەلەڭ ۇرپاققا رۋحاني تاربيە بەرۋ سىندى ماسەلەلەر قوزعالدى. ماسەلەن, مۇحتار اۋەزوۆ اتىنداعى ادەبيەت جانە ونەر ينستيتۋتىنىڭ اعا عىلىمي قىزمەتكەرى, PhD ە.قۋاتبەك, ءال-فارابي اتىنداعى قازۇۋ-دىڭ ماگيسترانتى ا.بەكتۇرسىن جازۋشىنىڭ شىعارماشىلىعى جونىندە بايانداما جاساپ, نۇرداۋلەت اقىشتىڭ «موماقان قىز» تۋىندىسى ادام بويىنداعى جاقسى قاسيەتتەردى باعالاۋعا ۇيرەتەتىنىن تىلگە تيەك ەتتى.
تۇساۋكەسەرگە كەلگەن قوناقتار قالامگەردىڭ «موماقان قىز» شىعارماسىنىڭ وقيعاسى تارتىمدى, ءتىلى جەڭىل ەكەنىن, جازۋشى جاس قىزدىڭ مىنەزى, تاربيەسى, ومىرگە كوزقاراسى ارقىلى ادامگەرشىلىك پەن قاراپايىمدىلىقتى ناسيحاتتاعىسى كەلەتىنى تۋرالى ويلارىن ورتاعا سالدى.
سونىمەن قاتار جۇسىپبەك ەلەبەكوۆ اتىنداعى ەسترادا-تسيرك كوللەدج ستۋدەنتتەرى ارنايى كونتسەرتتىك باعدارلاما ۇيىمداستىرىپ, كوڭىلدى كەشتىڭ شىرايىن كەلتىردى.
