فوتو: اشىق دەرەككوز
مەملەكەتتىك كىرىستەر دەپارتامەنتىنىڭ مالىمەتىنشە, زاڭناماعا سايكەس سالىقتى مەرزىمىندە تولەمەگەن ازاماتتارعا ءاربىر كەشىكتىرىلگەن كۇن ءۇشىن ءوسىمپۇل ەسەپتەلەدى. سونىمەن قاتار بەرەشەگى بار تۇلعالارعا قاتىستى ماجبۇرلەپ ءوندىرىپ الۋ شارالارى قولدانىلادى. ولاردىڭ قاتارىندا حابارلاما جىبەرۋ, سالىق بۇيرىعىن شىعارۋ جانە ماتەريالداردى جەكە سوت ورىنداۋشىلارىنا جولداۋ بار.
ماڭىزدى جايت – 1 ايلىق ەسەپتىك كورسەتكىشتەن اساتىن بەرەشەك مىندەتتى تۇردە ءماجبۇرلى تۇردە وندىرىلەدى. ال سالىق بۇيرىعىن ورىنداۋ مەرزىمى 30 جۇمىس كۇنىن قۇرايدى. بۇل تالاپتاردى ورىنداماۋ قوسىمشا قارجىلىق جۇكتەمەگە جانە قۇقىقتىق سالدارعا الىپ كەلۋى مۇمكىن.
715 زاڭبۇزۋشىلىق انىقتالدى: الماتىدا اۆتوكولىكتەرگە ەكولوگيالىق باقىلاۋ كۇشەيدى
قالا تۇرعىندارى وزدەرىنىڭ سالىق بويىنشا بەرەشەگىن ءتۇرلى تسيفرلىق سەرۆيستەر ارقىلى وڭاي تەكسەرە الادى. اتاپ ايتقاندا:
- مەملەكەتتىك كىرىستەر كوميتەتىنىڭ رەسمي سايتى – kgd.gov.kz;
- eGov.kz پورتالى;
- eSalyq Azamat ءموبيلدى قوسىمشاسى.
سونىمەن بىرگە ەلدەن شىعۋعا شەكتەۋ بار-جوعىن aisoip.adilet.gov.kz سايتى ارقىلى بىلۋگە بولادى. بۇل ازاماتتارعا ءوز قۇقىقتىق جاعدايىن الدىن الا تەكسەرىپ, قاجەتسىز قيىندىقتاردىڭ الدىن الۋعا مۇمكىندىك بەرەدى.
