ءىس-شاراعا جالپى ورتا ءبىلىم بەرۋ ۇيىمدارىنىڭ باسشىلارى, تاربيە ءىسى جونىندەگى ورىنباسارلار, پسيحولوگيالىق-پەداگوگيكالىق قولداۋ ماماندارى, قالالىق ۇيىمداردىڭ ساراپشىلارى مەن وكىلدەرى, سونداي-اق ءبىلىم الۋشىلاردىڭ اتا-انالارى قاتىستى.
فورۋمنىڭ نەگىزگى ماقساتى – مەكتەپ, وتباسى جانە قاۋىمداستىق اراسىنداعى ءوزارا ءىس-قيمىلدى كۇشەيتۋ, ءبىرتۇتاس تاربيەلىك كەڭىستىكتى قالىپتاستىرۋ, اتا-انالار مەن پەداگوگتەر اراسىنداعى سەرىكتەستىكتى نىعايتۋ جانە بالانىڭ تۇلعالىق ءارى ازاماتتىق دامۋىن قولداۋ بولدى.
پلەنارلىق بولىمدە قازاقستان رەسپۋبليكاسى وقۋ-اعارتۋ مينيسترلىگىنىڭ تاربيە جۇمىسى جانە قوسىمشا ءبىلىم بەرۋ دەپارتامەنتىنىڭ ديرەكتورى ەرلان قالماقوۆ پەن ء«بىلىم بولاشاعى» قوعامدىق قورىنىڭ ديرەكتورى شولپان قادىروۆا قۇتتىقتاۋ ءسوز سويلەپ, فورۋم جۇمىسىنا ساتتىلىك تىلەدى.
فورۋم بارىسىندا «BINOM EDUCATION» ءبىلىم بەرۋ قورىنىڭ تاربيە جۇمىسى جونىندەگى ءبولىم باسشىسى داستان مۇحتار «ەموتسيانى ءتۇسىنۋ – تاربيەنىڭ جاڭا ءتىلى» تاقىرىبىندا بايانداما جاساپ, بالا تاربيەسىندەگى وزەكتى ماسەلەلەر مەن ولاردى شەشۋ جولدارى تۋرالى وي ءبولىستى.
سونىمەن قاتار, سەرتيفيكاتتالعان گەشتالت-پسيحولوگ, قازاقستان رەسپۋبليكاسى ۇكىمەتى جانىنداعى ءسۋيتسيدتىڭ الدىن الۋ جونىندەگى جوبالىق كەڭسەنىڭ باس كونسۋلتانتى لەيلا ميراس «4 شاگا بەرەجنوگو روديتەلستۆا» اتتى ترەنينگ وتكىزىپ, اتا-انالارعا بالا تاربيەسىندەگى زاماناۋي تاسىلدەردى ۇسىندى.
قادىر مىرزا ءالى اتىنداعى BINOM SCHOOL مەكتەپ-ليتسەيىنىڭ قامقورشىلىق كەڭەسىنىڭ توراعاسى اديلەت مۋكۋشەۆ جانە كەڭەس مۇشەلەرى جانات شاماكوۆا مەن بەرىكحان نۇرعاليەۆ «وتباسى مەن مەكتەپ سەرىكتەستىگى: رەسۋرستار جانە ولاردىڭ مەكتەپ ءال-اۋقاتىنا قوساتىن ۇلەسى» تاقىرىبىندا ترەنينگ ۇيىمداستىردى.
ال Qundylyq.kz مۇعالىمدەردى كاسىبي دامىتۋ ورتالىعىنىڭ پەداگوگ-ترەنەرى ابىلاي نۇرداۋلەت «قۇندىلىقتارعا نەگىزدەلگەن ۇشتىك وداق» تاقىرىبىندا ءسوز سويلەپ, تاربيە جۇيەسىندەگى وزەكتى ماسەلەلەرگە نازار اۋدارتتى.
فورۋم اياسىندا 10-سىنىپ وقۋشىسى الديار جومارت «SEL: جايلى ورتا – جارقىن بولاشاق» تاقىرىبىندا پىكىر ءبىلدىرىپ, قولايلى ءبىلىم بەرۋ ورتاسىنىڭ وقۋشى دامۋىنا ىقپالىن اتاپ ءوتتى.
سونداي-اق, قاراعاندى قالاسىنداعى ءا. ەرمەكوۆ اتىنداعى مەكتەپ-ليتسەيىنىڭ اتا-انالار مەكتەبىنىڭ ۇيلەستىرۋشىسى, قاراعاندى وبلىسى اكەلەر وداعىنىڭ مۇشەسى ومىرسەرىك نەسىپباەۆ «وتباسى مەن مەكتەپ سەرىكتەستىگى – بالانىڭ تابىستى بولاشاعىنىڭ كەپىلى» تاقىرىبىندا بايانداما جاسادى.
قاراعاندى وبلىستىق اكەلەر وداعىنىڭ مۇشەسى, اباي اتىنداعى مەكتەپ-گيمنازياسىنىڭ بەلسەندى اكەسى مارات پىرمەتوۆ «اكەلەر وداعى: بالا تاربيەسىندەگى بىرلىك پەن جاۋاپكەرشىلىك» تاقىرىبىندا اكەنىڭ وتباسىداعى رولىنە توقتالدى.
ءىس-شارا بارىسىندا مەكتەپ تۇلەكتەرى مەيىرلان تولەۋىش پەن مانسۇر جاكەن «BINOM – ارماندار ورىندالاتىن باقىت مەكەنى» اتتى ترەنينگ-پراكتيكۋم وتكىزىپ, ءبىلىم ورداسىنان العان تاجىريبەلەرىنىڭ ومىرلىك ماڭىزى تۋرالى ايتتى.
فورۋم قورىتىندىسىندا مەكتەپ ديرەكتورى ساتجان وماروۆ اتا-انالار قاۋىمداستىعى مەن ءبىلىم بەرۋ ۇيىمى اراسىنداعى ىنتىماقتاستىقتىڭ ماڭىزىن اتاپ ءوتىپ, مۇنداي الاڭداردىڭ تاجىريبە الماسۋ ءۇشىن ءتيىمدى ەكەنىن جەتكىزدى.
كەرى بايلانىس بارىسىندا اتا-انالار مەن قوناقتار جىلى لەبىزدەرىن ءبىلدىرىپ, ءوز ۇسىنىستارىن ورتاعا سالدى. ءىس-شارا ۇلتتىق ناقىشتاعى مۋزىكالىق قويىلىممەن جانە العىس ءبىلدىرۋ راسىمىمەن قورىتىندىلاندى.
اتالعان فورۋم ءبىلىم بەرۋ ۇيىمدارى اراسىندا تاجىريبە الماسۋعا, مەكتەپ پەن وتباسى اراسىنداعى سەرىكتەستىكتى نىعايتۋعا جانە جاس ۇرپاقتى جاۋاپتى, سانالى ازامات رەتىندە تاربيەلەۋگە باعىتتالعان ماڭىزدى الاڭ بولدى.
