سولتۇستىك قازاقستان وبلىسىندا
«تيميريازەۆو – سارىكول – قوستاناي وبلىسىنىڭ شەكاراسى» اۆتوجولىنىڭ 0-30 شاقىرىم ارالىعىندا (تيميريازەۆو اۋىلى – قوستاناي وبلىسىنىڭ شەكاراسى ۋچاسكەسى) قوزعالىس شەكتەلدى.
پاۆلودار وبلىسىندا
«استانا – شىدەرتى – پاۆلودار – ۋسپەنكا – رف شەكاراسى» اۆتوجولىندا («قالقامان» جولايرىعىنان قالقامان كەنتىنە كىرەبەرىس جانە استانا باعىتىنا شىعابەرىس ارالىعى) قوزعالىسقا شەكتەۋ قويىلدى.
شىعىس قازاقستان وبلىسىندا
تاۋلى ايماقتارداعى كۇردەلى اۋا رايىنا بايلانىستى وسينوۆ اسۋىندا (46-66 شاقىرىم, سەۆەرنىي اۋىلى بۇرىلىسى – سەرەبريانسك قالاسىنا بۇرىلىس ارالىعى) تىركەمەسى جانە جارتىلاي تىركەمەسى بار جۇك كولىكتەرىنىڭ قوزعالىسىنا ۋاقىتشا تىيىم سالىندى.
ەسكە سالا كەتەيىك, سينوپتيكتەر 27 ناۋرىز كۇنى استانا قالاسى مەن ەلىمىزدىڭ 15 وڭىرىندە اۋا رايىنا بايلانىستى ەسكەرتۋ جاريالاعان بولاتىن. جۇرگىزۋشىلەرگە جولدا اسا ساق بولۋ جانە اۋا رايى جاعدايىن ەسكەرۋ ۇسىنىلادى.
