فوتو: aa.com
IRNA يراننىڭ اتوم ەنەرگياسى جونىندەگى ۇيىمىنا سىلتەمە جاساي وتىرىپ, 24 ناۋرىز كۇنى كەشكى ساعات 21:08 شاماسىندا (گرينۆيچ بويىنشا 17:38) سنارياد «بۋشەر» قالاسىنداعى اتوم نىسانىنا جاقىن اۋماققا تۇسكەن.
يزرايل يراننىڭ ۇلتتىق قاۋىپسىزدىك كەڭەسىنىڭ حاتشىسى قازا تاپقانىن مالىمدەدى
اگەنتتىك بۇل ارەكەتتى اقش پەن ءيزرايلدىڭ «دۇشپاندىق قيمىلدارىنىڭ جالعاسى» دەپ باعالادى. الدىن الا مالىمەت بويىنشا, زارداپ شەككەندەر جوق, سونداي-اق اتوم نىسانىنا زاقىم كەلمەگەن.
ايتا كەتەيىك, بۇل – سوڭعى كۇندەرى تىركەلگەن ەكىنشى شابۋىل. بۇعان دەيىن 17 ناۋرىزدا ءدال وسىنداي سوققى جاسالىپ, ول كەزدە دە ەشقانداي قيراتۋ مەن ادام شىعىنى بولماعان.
مالىمەتتەرگە سۇيەنسەك, 28 اقپاننان بەرى اقش پەن يزرايل يران اۋماعىنا اۋە سوققىلارىن جالعاستىرىپ كەلەدى. سونىڭ سالدارىنان 1 340-تان استام ادام قازا تاپقان, ولاردىڭ قاتارىندا يراننىڭ بۇرىنعى جوعارعى كوشباسشىسى ءالي حامەنەي دە بار ەكەنى ايتىلادى.
ءوز كەزەگىندە تەگەران جاۋاپ رەتىندە ۇشقىشسىز ۇشۋ اپپاراتتارى مەن زىمىراندار ارقىلى سوققى بەرىپ, يزرايلمەن قاتار يوردانيا, يراك جانە پارسى شىعاناعىنداعى بىرقاتار ەلدەردەگى اقش اسكەري نىساندارىن نىساناعا العان.
قاقتىعىستىڭ ۋشىعۋى سالدارىنان ينفراقۇرىلىمعا زيان كەلىپ, ادام شىعىنى ارتقان, سونداي-اق الەمدىك نارىقتار مەن اۋە قاتىناسىنا كەرى اسەر ەتكەن.
