«بۇل – بۇكىل مۇسىلمان قاۋىمى ءۇشىن ءمان-ماڭىزى ەرەكشە, قاسيەتتى مەرەكە. وسى مەيرامدا رۋحاني تازارۋ مەن پاراساتتىلىق, سابىرلىق پەن قاناعاتشىلدىق, ءوزارا سىيلاستىق پەن تىلەكتەستىك, جاناشىرلىق پەن جاقسىلىق قۇندىلىقتارى دارىپتەلەدى», دەدى مەملەكەت باسشىسى.
سونداي-اق پرەزيدەنت ورازا ۇستاۋ – تەك ءدىني پارىز عانا ەمەس, ادامنىڭ ىشكى جان دۇنيەسىن كەمەلدەندىرەتىن ۇلكەن مەكتەپ ەكەنىن جەتكىزدى.
«وتىز كۇن ورازا تۇتقان جۇرت يمانىن بايىتىپ, كەمەلدىككە ۇمتىلادى. ءتوزىمىن شىڭداپ, توڭىرەگىنە قامقورلىق تانىتادى. يگى ىستەرگە ۇيىتقى بولىپ, مۇقتاج جاندارعا قول ۇشىن سوزادى», دەدى ول.
قاسىم-جومارت توقاەۆ اتا ءداستۇر مەن اسىل ءدىننىڭ ەل بىرلىگىن نىعايتۋداعى رولىنە دە نازار اۋداردى.
پرەزيدەنتكە قاسيەتتى رامازان ايىنىڭ باستالۋىنا وراي قۇتتىقتاۋ جەدەلحاتتارى كەلىپ ءتۇستى
بيىلعى ورازا ايتتىڭ ناۋرىز مەرەكەسىمەن قاتار كەلۋىنىڭ سيمۆولدىق ءمانى ەرەكشە ەكەنى دە ايتىلدى. پرەزيدەنت بۇل جاعدايدى ەل دامۋىنىڭ جاڭا تاريحي كەزەڭىمەن ساباقتاستىردى.
«قازاقستان حالقى جاڭا اتا زاڭدى قابىلداپ, جارقىن بولاشاققا, ادىلەتتىلىك پەن وركەندەۋگە باستايتىن جولدى تاڭدادى. كونستيتۋتسيالىق رەفورمانى جاپپاي قولداۋ ارقىلى ۇلت تاريحىنىڭ جاڭا پاراعىن اشتى», دەدى مەملەكەت باسشىسى.
رامازان ايى ازاماتتاردىڭ تۇتىنۋ شىعىندارىنا قانداي وزگەرىس اكەلەدى؟
