جۋرناليستەردىڭ جوبانىڭ قاي ساتىدا ەكەنى تۋرالى سۇراعىنا جاۋاپ بەرگەن ۆيتسە-مينيستر, ءتيىستى جۇمىستاردىڭ باستالىپ كەتكەنىن راستادى. الدىن الا مالىمەتتەر بويىنشا, جاڭا اۋەجاي قاراعاندى تاسجولىنىڭ بويىندا ورنالاسۋى مۇمكىن.
«قالا اكىمدىگىنىڭ جەتەكشىلىگىمەن ارنايى جۇمىس توبى قۇرىلدى. ونىڭ قۇرامىنا بارلىق قۇزىرلى ورگاندار ەندى. بۇل ماسەلە وتە مۇقيات ءارى ەگجەي-تەگجەيلى زەرتتەۋدى تالاپ ەتەدى, ويتكەنى كوپتەگەن تەحنيكالىق پارامەترلەردى ەسكەرۋ قاجەت», دەپ اتاپ ءوتتى تالعات لاستاەۆ.
ۆيتسە-ءمينيستردىڭ ايتۋىنشا, قازىرگى ۋاقىتتا ماماندار مەن ساراپشىلار جوبانى ىسكە اسىرۋدىڭ ءتۇرلى نۇسقالارىن قاراستىرىپ جاتىر.
«پروتسەسس باستالدى جانە ول ءجۇرىپ جاتىر. بارلىق تەحنيكالىق ماماندار مەن ساراپشىلار ىقتيمال نۇسقالاردىڭ ءبارىن زەردەلەۋدە», دەدى ول.
ەستەرىڭىزگە سالا كەتەيىك, 2025 جىلدىڭ جەلتوقسانىندا استانا اكىمى جەڭىس قاسىمبەك ەلوردادا ەكىنشى اۋەجايدىڭ سالىنۋى ابدەن مۇمكىن ەكەنىن تىلگە تيەك ەتكەن ەدى.
