فوتو: t.me/ortcom_kz
ءىس-شارالار قالالىق الاڭداردا, ساۋدا-ويىن-ساۋىق ورتالىقتارىندا, IT-حابتاردا جانە كرەاتيۆتى كەڭىستىكتەردە وتەدى. مۇنداي فورمات جاساندى ينتەللەكت تاقىرىبىن كەڭ اۋديتورياعا تۇسىنىكتى جانە قولجەتىمدى ەتۋگە, سونداي-اق ءوڭىر تۇرعىندارىن زاماناۋي تسيفرلىق قۇرالدارمەن تانىستىرۋعا مۇمكىندىك بەرەدى.
كەزدەسۋلەر بارىسىندا قاتىسۋشىلارعا جاساندى ينتەللەكتىنى كۇندەلىكتى ومىردە, جۇمىستا, وقۋدا, كونتەنت جاساۋدا جانە مەملەكەتتىك قىزمەتتەردى الۋدا قالاي قولدانۋعا بولاتىنى كورسەتىلەدى. بىرقاتار وڭىردە AlemGPT پلاتفورماسىنىڭ, ياعني جاساندى ينتەللەكتىنىڭ ۇلتتىق پلاتفورماسىنىڭ مۇمكىندىكتەرى تانىستىرىلادى.
Digital Qazaqstan: تەحنولوگيالىق دەربەستىك پەن تسيفرلىق ورلەۋ جولى
وڭىرلەردە اشىق وقىتۋ ءىس-شارالارىن وتكىزۋ حالىقتىڭ تسيفرلىق ساۋاتتىلىعىن ارتتىرۋعا جانە قازاقستاندا جاساندى ينتەللەكتىنى پايدالانۋ مادەنيەتىن كەڭىنەن دامىتۋعا باعىتتالعان ماڭىزدى قادامداردىڭ ءبىرى بولىپ سانالادى.
Digital Bridge – 2025: ادامزات دامۋىنىڭ ەندىگى باعدارى جي-گە تىكەلەي بايلانىستى
ءىس-شارالار 17-18 ناۋرىزدا ەلىمىزدىڭ ءار وڭىرىندە وتەدى. مىسالى, استانادا «حان شاتىر» سوو-دا AlemGPT, ۇلتتىق جاساندى ينتەللەكت پلاتفورماسى تانىستىرىلسا, شىمكەنتتە اربات الاڭىندا كۇندەلىكتى ومىردە جي قولدانۋ تاقىرىبىندا كەزدەسۋلەر ۇيىمداستىرىلادى. ءار وڭىردە تاقىرىپ پەن فورمات سايكەس وڭىرلىك قاجەتتىلىكتەرگە بەيىمدەلگەن.
