فوتو: freepik.com
Dexerto پورتالىنىڭ مالىمەتىنشە, نەيروجەلى تەك كەڭەس بەرۋمەن شەكتەلمەي, مامىلەنىڭ باسىنان اياعىنا دەيىن ريەلتوردىڭ مىندەتىن اتقارعان. ChatGPT نارىقتاعى دەرەكتەرگە سۇيەنە وتىرىپ باعا بەلگىلەۋ ستراتەگياسىن ازىرلەگەن, جارناما ماتىندەرىن جازعان, ماركەتينگ پەن حابارلاما تاراتۋدى ۇيىمداستىرعان. سونىمەن قاتار ىقتيمال ساتىپ الۋشىلارمەن حات الماسىپ, ءتىپتى ساتىپ الۋ-ساتۋ كەلىسىمشارتىنىڭ باستاپقى نۇسقاسىن دا دايىنداعان.
مامىلەنىڭ باستى ناتيجەسى – جىلدامدىق پەن ۇنەم. اقش-تا ءۇي ساتۋ ادەتتە بىرنەشە اپتادان بىرنەشە ايعا دەيىن سوزىلۋى مۇمكىن, ال بۇل جاعدايدا جىلجىمايتىن م ۇلىك 5 كۇندە ساتىلعان. ەڭ ماڭىزدىسى – ساتۋشى ريەلتور قىزمەتىنەن باس تارتىپ, ادەتتە 5-6% بولاتىن كوميسسيالىق تولەمنەن قۇتىلعان. اقش-تاعى ۇيلەردىڭ ورتاشا باعاسى بىرنەشە ءجۇز مىڭ دوللاردى قۇرايتىنىن ەسكەرسەك, بۇل ونداعان مىڭ دوللاردى ۇنەمدەۋگە مۇمكىندىك بەرەدى.
ساراپشىلاردىڭ پىكىرىنشە, بۇل جاعداي گەنەراتيۆتى جاساندى ينتەللەكتىنىڭ تەك كومەكشى قۇرالدان تولىققاندى مامىلە قاتىسۋشىسىنا اينالىپ كەلە جاتقانىن كورسەتەدى. دەگەنمەن ماماندار قۇقىقتىق ماسەلەلەرگە ەرەكشە نازار اۋدارۋ كەرەكتىگىن ەسكەرتەدى.
زاڭگەرلەر قۇجاتتاردى سوڭعى تەكسەرۋدەن وتكىزۋ ءۇشىن ادۆوكات نەمەسە بروكەردىڭ كومەگىنە جۇگىنۋگە كەڭەس بەرەدى. بۇل ۇسىنىس شارتتارىنداعى قاتەلىكتەردىڭ, اقپاراتتى تولىق اشپاۋ تاۋەكەلىنىڭ جانە مەنشىك قۇقىعىن راسىمدەۋ كەزىندەگى ولقىلىقتاردىڭ الدىن الۋعا مۇمكىندىك بەرەدى.
سوعان قاراماستان, بۇل وقيعا PropTech – جىلجىمايتىن م ۇلىك سالاسىنداعى تەحنولوگيالىق شەشىمدەردىڭ جاڭا مۇمكىندىكتەرىن كورسەتەتىن ماڭىزدى مىسالعا اينالدى. ساراپشىلار بولاشاقتا جي تۇرعىن ءۇيدى باعالاۋ, جارناما ماتىندەرىن اۆتوماتتى تۇردە ازىرلەۋ جانە كەلىسىمشارت دايىنداۋ سياقتى قىزمەتتەردى كەڭىنەن اتقارادى دەپ بولجاپ وتىر.
دارىگەرلەر جي كومەگىمەن ينسۋلت پەن ونكولوگيالىق اۋرۋلاردى ەرتە انىقتاپ جاتىر
