فوتو: اشىق دەرەككوزدەن
ساۋدا جانە ينتەگراتسيا ءبىرىنشى ۆيتسە-ءمينيسترى ايجان بيجانوۆانىڭ ايتۋىنشا, جىل باسىنان بەرى 2 مىڭنان استام ەلەكتروندى شوت-فاكتۋرانى تالداۋ ناتيجەسىندە الەۋمەتتىك ماڭىزى بار ازىق-ت ۇلىك تاۋارلارىنا ساۋدا ۇستەمەسىن قولدانۋ تالاپتارىن بۇزۋ بويىنشا 631 دەرەك انىقتالعان. تەك اقپان ايىنىڭ وزىندە ەلەكتروندى شوت-فاكتۋرالار بويىنشا 760-تان استام تاۋەكەل تىركەلگەن.
دارىگەرلەر جي كومەگىمەن ينسۋلت پەن ونكولوگيالىق اۋرۋلاردى ەرتە انىقتاپ جاتىر
«قازىر ءبىز جاساندى ينتەللەكت كومەگىمەن ساۋدا ۇستەمەسىنىڭ شەكتى مولشەردەن اسۋى فاكتىلەرىن عانا ەمەس, الەۋمەتتىك ماڭىزى بار ازىق-ت ۇلىك ونىمدەرى بويىنشا جاسالاتىن ساۋدا مامىلەلەرىنىڭ سانىن دا تالداپ وتىرمىز. ماسەلەن, ەگەر ءبىر كۇن ىشىندە ءبىر تاۋار بويىنشا بىرنەشە مامىلە جاسالسا, ولاردىڭ جالعان بولۋ ىقتيمالدىعى جوعارى. ناۋرىز ايىنىڭ العاشقى جارتىسىنىڭ وزىندە ءتيىمسىز دەلدالدارعا قاتىستى 56 اكىمشىلىك ءىس تىركەلىپ, ءتيىستى مەملەكەتتىك ورگاندارعا جولداندى», دەدى ايجان بيجانوۆا.
جالپى العاندا, ناۋرىز ايىنىڭ باسىنان بەرى الەۋمەتتىك ماڭىزى بار ازىق-ت ۇلىك تاۋارلارى باعاسىنىڭ ورتاشا ءوسۋ يندەكسى – 0,2% بولدى. بۇل وتكەن جىلدىڭ وسى كەزەڭىندەگى كورسەتكىشتەن تومەن.
ساۋدا جانە ينتەگراتسيا مينيسترلىگى ءسۇت ونىمدەرىنىڭ باعاسىن تۇراقتاندىرۋ ماقساتىندا تابيعي مونوپوليالاردى رەتتەۋ كوميتەتى, ازىق-ت ۇلىك كورپوراتسياسى, اۋىل شارۋاشىلىعى مينيسترلىگى جانە قازاقستان تەمىرجولى ۇلتتىق كومپانياسىمەن بىرلەسىپ, سالانى قولداۋعا باعىتتالعان كەشەندى شارالاردى پىسىقتاپ جاتىر. كوكونىس باعاسىنىڭ ماۋسىمدىق ءوسۋىن تەجەۋ ءۇشىن ەرتە پىسەتىن ونىمدەردى يمپورتتاۋعا ارنالعان «جاسىل ءدالىز» ەنگىزىلگەن. سونىمەن قاتار ولاردى كەدەندىك باجسىز اكەلۋ مۇمكىندىگى دە قاراستىرىلىپ جاتىر.
قازاقستاندا جي-ءدى دامىتۋعا ارنالعان 200-دەن استام داتاسەت اشىلدى
سونداي-اق ناۋرىز مەرەكەسىنە وراي رەسپۋبليكا بويىنشا 200-دەن استام جارمەڭكە وتكىزۋ جوسپارلانعان. سونىمەن قاتار 13-23 ناۋرىز ارالىعىندا ساۋدا ۇيلەرى مەن ساۋدا ورتالىقتارىندا Nauryz Sale اكتسياسى ۇيىمداستىرىلىپ جاتىر.
جيىندا الماتى وبلىسىنداعى ازىق-ت ۇلىك ينفلياتسياسىنىڭ جاعدايى قارالدى. بۇل ءوڭىر باعا ءوسىمى بويىنشا ايماقتار اراسىندا ءتورتىنشى ورىندا تۇر. مۇندا 21 تاۋار پوزيتسياسى بويىنشا باعا وسكەن, ونىڭ 18-ءى بويىنشا كورسەتكىش ەلدەگى ورتاشا دەڭگەيدەن جوعارى.
ۆيتسە-پرەمەر سەرىك جۇمانعارين الماتى وبلىسى اكىمى ورىنباسارىنىڭ باعانى تۇراقتاندىرۋ بويىنشا قابىلدانىپ جاتقان شارالار مەن ۇسىنىستارىن تىڭدادى. ول ازىق-ت ۇلىك ينفلياتسياسىن تۇراقتاندىرۋ ەڭ الدىمەن وڭىرلەردىڭ جۇيەلى ءارى ناقتى جۇمىسىنا بايلانىستى ەكەنىن اتاپ ءوتتى. وڭىرلەر جەرگىلىكتى وندىرۋشىلەرمەن جانە جەتكىزۋشىلەرمەن تىعىز بايلانىستا جۇمىس ىستەپ, تۋىنداعان ماسەلەلەردى جەدەل شەشۋ ارقىلى حالىق ءۇشىن باعانىڭ تۇراقتىلىعىن قامتاماسىز ەتۋى ءتيىس ەكەنىن ايتتى.
