فوتو: NewTimes.kz
الدىن الا مالىمەت بويىنشا, ەكى ازامات مەرزىمدى اسكەري قىزمەتشى ەمەس, ۆەدومستۆولىق كۇزەتتىڭ ازاماتتىق جالدامالى قىزمەتكەرلەرى بولعان. وق ءتيىپ اۋىر جارالانعان قاراۋىل باستىعى دەرەۋ اسكەري گوسپيتالعا جەتكىزىلگەنىمەن, دارىگەرلەر ونىڭ ءومىرىن ساقتاپ قالا المادى.
وقيعاعا بايلانىستى ىشكى ىستەر مينيسترلىگىنىڭ اسكەري-تەرگەۋ دەپارتامەنتى قىلمىستىق ءىس بويىنشا سوتقا دەيىنگى تەرگەۋ باستالعانىن حابارلادى. ۆەدومستۆو مالىمەتىنشە, قايعىلى جاعدايدىڭ ناقتى سەبەپتەرى تەرگەۋ ارەكەتتەرى مەن پروتسەسسۋالدىق شارالار بارىسىندا انىقتالادى.
ەسكە سالا كەتەيىك, بۇعان دەيىن اتىراۋ گارنيزونىنداعى اسكەري بولىمدەردىڭ بىرىندە جوسپارلى دالالىق اتىس جاتتىعۋلارى كەزىندە مەرزىمدى قىزمەتتەگى سارباز قايتىس بولعان ەدى.
