سەنات توراعاسىنىڭ يوردانيا كورولىمەن جۇزدەسۋى

اممانعا جۇمىس بابىنداعى ساپارى بارىسىندا پارلامەنت سەناتىنىڭ توراعاسى قاسىم-جومارت توقاەۆ يوردانيا كورولى ابداللا II-مەن كەزدەستى, دەپ حابارلادى پار­لامەنت سەناتىنىڭ ءباسپاسوز قىزمەتى. سەنات توراعاسى ابداللا II-گە قازاق­ستان پرەزيدەنتى ن.نازارباەۆتىڭ جىلى شىرايلى سوزدەرىن جەتكىزدى. «حالىق­ارالىق جاعدايدى ساۋىقتىرۋعا, سونداي-اق, كورولدىكتىڭ قوعامدىق-ساياسي ءومىرى مەن ەكونوميكاسىن رەفورمالاۋعا باعىت­تالعان ءسىزدىڭ قىزمەتىڭىزدى ءبىزدىڭ ەلى­مىزدىڭ پرەزيدەنتى جوعارى باعالايدى», دەپ اتاپ ءوتتى ق.توقاەۆ. سەنات توراعاسى الەمدىك دىندەر مەن كونفەس­سيالاردىڭ ءوزارا ءىس-قيمىلىن قالىپتاستىرۋ جونىندەگى يوردانيانىڭ كوزقاراسى قازاقستانعا دا ورتاق ەكەنىن اتاپ ءوتتى, يسلامنىڭ بەيبىتسۇيگىش ءدىن ەكەنى, سونداي-اق, ءتۇرلى دىندەر وكىلدەرىنىڭ اراسىنداعى ۇنقاتىسۋدىڭ ماڭىزدىلىعى «اممان جولداۋىندا» كورىنىس تاپقانى ايتىلدى. «بۇل يدەيالار قازاقستانعا دا وتە جاقىن. ءبىزدىڭ پىكىرىمىزشە, بەيبىتشىلىك, قاۋىپسىزدىك جانە ءوزارا ىنتىماقتاستىق قاعيدالارىن بەكەمدەۋدە الەمدىك قوعامداستىقتا باسقا دىندەر سياقتى يسلامنىڭ دا زور الەۋەتى بار», دەدى ق.توقاەۆ. تولەرانتتىلىق پەن ءوزارا قۇرمەت رۋحىن ىلگەرىلەتۋ جونىندەگى يوردانيا كو­رولىنىڭ كۇش-جىگەرىن جوعارى باعالاعان پارلامەنتتىڭ جوعارعى پالا­تاسىنىڭ توراعاسى, الەمدىك جانە ءداس­تۇرلى دىندەر كوشباسشىلارى سەزى حات­شى­لىعىنىڭ باسشىسى ق.توقاەۆ ابدال­لا II-گە بيىلعى 10-11 ماۋسىمدا استا­نادا بولاتىن V سەزگە پرەزيدەنت ن.نازارباەۆتىڭ شاقىرۋىن جەتكىزدى. «ساياسي كوشباسشىلار مەن ءدىني باسشىلار تاراپىنان كەلىسىلگەن ءىس-قيمىل مەن ءوزارا قولداۋ باردا ادامزات قازىرگى زامانداعى جاھاندىق قاتەرلەرگە ءتيىمدى قارسى تۇرا الادى, ءسىزدىڭ ءوزىڭىزدىڭ V سەزگە قاتىسۋىڭىز حالىقارالىق قوعام­داس­تىقتىڭ بارىنە ول تۋرالى انىق بەلگى بەرەتىنى كۇمانسىز», دەپ اتاپ ءوتتى سەنات توراعاسى. ق.توقاەۆ ابداللا II-ءنى قازاقستانداعى ىشكى ساياسي جاعدايلار تۋرالى حاباردار ەتىپ, مەملەكەت باسشىسىنىڭ «نۇر­لى جول – بولاشاققا باستار جول» جول­داۋىن ىسكە اسىرۋ, سونداي-اق, سايلاۋ ناۋقانىنىڭ بارىسى تۋرالى اڭگىمەلەدى. يوردانيا كورولى قازاقستان پرە­زي­دەنتى ن.نازارباەۆقا زور قۇرمەتپەن قاراي­تىنىن جەتكىزە وتىرىپ, وعان سايلاۋدا تابىسقا جەتۋىنە تىلەكتەستىگىن ءبىل­دىردى. جوعارى دەڭگەيدە سەنىمدى ۇنقاتىسۋ ورنىقتى, بىرنەشە مارتە قازاق­ستاندا ساپاردا بولعان كورول ابدال­لا II ءبىزدىڭ ەلىمىزدىڭ دامۋ قارقى­نىنا ريزاشىلىعىن ءبىلدىردى, استانا مەن امماننىڭ حالىقارالىق جانە ايماقتىق كوپتەگەن ماسەلەلەر بويىنشا كوزقاراستارى ۇقساس ەكەنى ماڭىزدى. ساپار اياسىندا ق.توقاەۆ يوردانيا حاشيميت كورولدىگى پارلامەنتى سەناتىنىڭ توراعاسى ابد ار-راۋف ءال-راۋابدەمەن كەزدەستى. ا.راۋابدەنىڭ بىلتىرعى ماۋسىمداعى قازاقستانعا ساپارىنا ەرەكشە ءمان بەرگەن سەنات توراعاسى ونىڭ پارلامەنتارالىق ۇنقاتىسۋعا قوسىمشا سەرپىن بەرگەنىن اتاپ ءوتتى جانە قازاقستان پارلامەنتى يوردان ارىپتەستەرىمەن ءوزارا ءىس-قيمىلدى نىعايتۋعا ازىرلىگىن ءبىلدىردى.