پەتروپاۆلدىق كەيۋانانى بالالارى تاستاپ كەتتى

پەتروپاۆل. 13 مامىر. وسىدان ءۇش اي بۇرىن بەلومىرتقاسىن سىندىرىپ الىپ, سودان بەرى توسەك تارتىپ جاتقان كەيۋاناعا كورشىلەرىنەن باسقا قارايلاساتىن ەشكىم بايقالمايدى. وزدىگىنەن قوزعالۋعا ءال-دارمەنى جوق بەيباق قارتتار ۇيىنە ورنالاستىرۋعا شەنەۋنىكتەردەن كومەك سۇراپ وتىر. بۇل تۋرالى كتك تەلەارناسى حابارلادى. جاسى سەكسەندى القىمداعان نادەجدا پودلەسنايا ناۋرىزدا اۋرۋحانادا جاتىپ شىققان. سودان بەرى ءومىردىڭ اۋىر تاۋقىمەتىن تارتىپ كەلەدى. كورشىلەرى اس-سۋىنا عانا قارايلاسادى. كورپە-توسەگىن جۋاتىن, شومىلدىراتىن ادام جوق. «وزدىگىنەن جۇرە الماعاندىقتان, ءتۇنى بويى ايعايلاپ, جاردەم سۇرايدى.   ەستۋىمىزشە, بۇعان دەيىن ۇل-قىزدارىمەن اقتاۋدا تۇرعان. ونداعى پاتەرىن بالالارى ساتىپ جىبەرىپ, پەتروپاۆلداعى جاتاقحانادان ءبىر بولمە اپەرگەن. وزدەرى رەسەيگە تايىپ وتىرعان. ولاردى الەۋمەتتىك جەلى ارقىلى تاۋىپ الىپ سويلەسكەنىمىزدە, ءبىز ونىمەن تۇرا المايمىز. سەندەر زەينەتاقىسىنا كۇتۋشى جالداڭدار دەگەن جاۋاپ الدىق», دەيدى كورشىسى جاننا ەلتاەۆا بەزبۇيرەك  پەرزەنتتەرى جايلى. قىستا دالىزدە وقىستان قۇلاپ, ومىرتقاسىن سىندىرىپ العانشا زەينەتكەر كۇنىن ەشكىمگە تۇسىرمەگەن. توسەك تارتىپ قالعالى كورشىلەرى ءتيىستى مەكەمەلەرگە شاعىمدانىپ, قارتتار ۇيىنە الۋدى وتىنگەن.  مەملەكەتتىك مەكەمەگە كەزەك كوپ بولعاندىقتان, قالالىق جۇمىسپەن قامتۋ ءبولىمى قۇجاتتارىن جەكەمەنشىك قارتتار ۇيىنە راسىمدەپ جاتسا كەرەك. پەتروپاۆل قالالىق جۇمىسپەن قامتۋ جانە الەۋمەتتىك باعدارلامالار ءبولىمى باسشىسىنىڭ ورىنباسارى اققانات جاكەنوۆا تاياۋ كۇندەرى ماسەلەنىڭ شەشىلەتىنىنە سەندىرىپ وتىر. ءومىر ەسقالي. دەرەك: كتك تەلەارناسى. سۋرەت: egemen.kz