جەكەلەي رازرياد بويىنشا ەلەنا رىباكينا اقش-تىڭ ينديان-ۋەللس قالاسىندا وتكەن WTA 1000 ساناتىنداعى بەدەلدى ءتۋرنيردىڭ فينالىنا دەيىن جەتىپ, رەيتينگتە رەكوردتىق ەكىنشى ورىنعا كوتەرىلدى. بۇعان دەيىن ول ءبىر ساتى تومەن تۇرعان. بۇل – تەننيسشىنىڭ مانسابىنداعى ەڭ ۇزدىك ناتيجە عانا ەمەس, سونىمەن قاتار قازاقستان وكىلدەرى ءۇشىن جالپى رەيتينگتەگى ەڭ جوعارى كورسەتكىش.
الەمدىك رەيتينگتىڭ كوشباسشىسى بولىپ بەلارۋستىك ارينا سوبولەنكو قالدى. ال ۇزدىك ۇشتىكتى بۇرىن الەمنىڭ ەكىنشى راكەتكاسى بولعان پولشالىق يگا شۆيونتەك تۇيىندەدى.
بۇدان بولەك وتانداسىمىز يۋليا پۋتينتسەۆا 76-ورىننان 75-ورىنعا كوتەرىلدى. زارينا دياس 16 پوزيتسياعا تومەندەپ, 312-ورىنعا ءتۇستى. ال جىبەك قۇلامباەۆا دا ءوز كورسەتكىشىن 31 ساتىعا ناشارلاتىپ, قازىر 419-ورىندا تۇر.
جۇپتىق رازرياد بويىنشا ەلىمىزدىڭ جۇپتىق سىنداعى ەڭ ۇزدىك تەننيسشىسى اننا دانيلينا جەتىنشى ورىننان ءتورتىنشى ورىنعا كوتەرىلدى.
ءبىرىنشى ورىندى بەلگيالىق ەليزە مەرتەنس ساقتاپ قالدى. ال چەحيالىق كاتەرينا سينياكوۆا ەكىنشى ورىنعا كوتەرىلىپ, كانادالىق گابريەلا دابروۆسكيدى ءۇشىنشى ورىنعا ىعىستىردى.
