«قازمەديا ورتالىعىنىڭ» ستۋدياسىندا ەكزيت-پولل ناتيجەلەرى تانىستىرىلعاننان كەيىن مەملەكەت باسشىسى مالىمدەمە جاسادى.
«بۇگىن – قازاقستان ءۇشىن تاريحي كۇن! ەلىمىزدىڭ ازاماتتارى كونستيتۋتسيالىق رەفورمانى قولداپ, رەفەرەندۋمعا بەلسەندى تۇردە قاتىستى. وتانىمىزدىڭ بولاشاعىن ويلاپ داۋىس بەردى. بۇل – وتە جاقسى وقيعا. قازىر عانا ەكزيت-پوللدىڭ ناتيجەلەرى شىقتى. سوعان سايكەس قازاق ەلى تۇبەگەيلى تاريحي تاڭداۋىن جاسادى. حالقىمىزعا شىنايى ريزاشىلىعىمدى ايتقىم كەلەدى. بۇگىن جۇرتىمىز داۋىس بەرىپ, قازاقستاننىڭ تاريحىن, تاعدىرىن ايقىندادى. بۇل شەشىم دۇنيە ءجۇزى تاريحىندا ماڭگى ساقتالادى. بۇل ماسەلە بويىنشا ەشقانداي كۇمانىم جوق. ويتكەنى بۇل – ازاماتتارىمىزدىڭ بويىنداعى ناعىز وتانشىلدىق نىشانى. ەندى جىل سايىن 15 ناۋرىزدى – كونستيتۋتسيا كۇنى, ياعني, ەلىمىزدىڭ ەڭ باستى مەرەكەسىنىڭ ءبىرى رەتىندە قارسى الامىز. سەبەبى قازاقستان حالقى جاڭارۋ مەن جاڭعىرۋ ءۇشىن داۋىس بەردى. بۇل – ءبىزدىڭ بارىمىزگە ورتاق جەتىستىك. بارشاڭىزدى شىن جۇرەكتەن قۇتتىقتايمىن!», دەدى مەملەكەت باسشىسى.
ايتا كەتەيىك, قاسىم-جومارت توقاەۆ «قازمەديا» ورتالىعىندا رەسپۋبليكالىق رەفەرەندۋم اياسىنداعى ۇگىت-ناسيحات ناۋقانىنا بەلسەندى قاتىسقان جاستارمەن كەزدەستى. 
