العاشقىلاردىڭ ءبىرى بولىپ تانىمال اكتەرلەر وتباسى ازات سەيتمەتوۆ پەن داناگۇل تەمىرسۇلتانوۆا قازاقستاننىڭ بولاشاعى ءۇشىن تاڭداۋ جاسادى. شىعارماشىلىق جۇپ الەۋمەتتىك جەلىدە ء«بىز ءوز تاڭداۋىمىزدى جاسادىق» دەپ فوتو جاريالادى.
اتىراۋ وبلىسىندا 100 جاستاعى تىل ارداگەرى ۇيىندە داۋىس بەردى
سونىمەن قاتار, رەفەرەندۋمعا اكتەر تۇڭعىشباي ءال-تارازي دە قاتىستى. اكتەر ءوزىنىڭ Instagram اككاۋنتىندا ءوز بيۋللەتەنىن جاشىككە سالعانى تۋرالى شاعىن ۆيدەو جاريالادى. قازاقستاننىڭ حالىق ءارتىسى تۇڭعىشباي ءال-تارازي دە رەفەرەندۋمنىڭ تاريحي ماڭىزدىلىعىنا توقتالدى. ونىڭ ايتۋىنشا, بۇل وقيعا مەملەكەتتىلىكتىڭ كەلەشەگىنە تىكەلەي اسەر ەتەدى.
«15 ناۋرىز كۇنى ەلىمىزدە ۇلكەن وقيعا كۇتىلىپ وتىر. بۇل ءبىزدىڭ مەملەكەتىمىز ءۇشىن ەرەكشە ماڭىزعا يە. ءبىز جاڭا كونستيتۋتسيا قابىلدايمىز. حالىق اتا زاڭنىڭ ءاربىر بابىنا قاتىستى ءوز پىكىرىن بىلدىرەدى», دەپ اتاپ ءوتتى ول.
قازاقستاننىڭ حالىق ءارتىسى روزا رىمباەۆا دا رەفەرەندۋمنىڭ ماڭىزدىلىعىن اتاپ ءوتىپ, ازاماتتاردى بەلسەندى بولۋعا شاقىردى.
«15 ناۋرىز – ەلىمىز ءۇشىن ماڭىزدى كۇن. كەلىپ, ءوز تاڭداۋلارىڭىزدى جاساڭىزدار», دەدى روزا رىمباەۆا.
جازۋشى مۇرات دۇيسەنباەۆ تا ءوزىنىڭ كونستيتۋتسيالىق قۇقىعىن پايدالانىپ, الەۋمەتتىك جەلىلەردە داۋىس بەرگەن ساتىندەگى فوتوسىن جاريالادى.
قازاقستاننىڭ حالىق ءارتىسى ايگۇل ۇلكەنباەۆا 15 ناۋرىزداعى رەفەرەندۋمنىڭ تاريحي ماڭىزىن اتاپ ءوتىپ, جاڭا كونستيتۋتسيا جوباسىنىڭ مادەنيەت پەن ۇلتتىق قۇندىلىقتاردى قورعاۋداعى ەرەكشە رولىنە توقتالدى.
«ۋاقىت قارقىندى وزگەرىپ جاتىر, ءبىز وڭ وزگەرىستەردى كۇتەمىز. جاڭا كونستيتۋتسيا جوباسىندا ۇلتتىق قۇندىلىقتاردى دارىپتەۋگە, تاريحي-مادەني مۇرانى قورعاۋعا جانە شىعارماشىلىق ەركىندىككە ەرەكشە ءمان بەرىلگەن. وسىناۋ قاجەتتىلىگى زور ۇعىمداردىڭ كونستيتۋتسيالىق دەڭگەيگە كوتەرىلۋى ءبىز ءۇشىن اسا ماڭىزدى», دەدى ول.
قازاقستاننىڭ ەڭبەك سىڭىرگەن قايراتكەرى, ونەر يەسى مارال اناربەك ەل بولاشاعى ەڭ الدىمەن بىرلىككە بايلانىستى ەكەنىن ايتتى.
جازۋشى ءارى قوعام قايراتكەرى سماعۇل ەلۋباەۆ جاڭا كونستيتۋتسيانىڭ ەرەكشەلىكتەرىنە توقتالدى. ونىڭ ايتۋىنشا, بۇل قۇجات حالىقتىڭ قاتىسۋىمەن ازىرلەنگەن.
مادەنيەت پەن ونەر وكىلدەرىنىڭ ايتۋىنشا, بۇل تەك زاڭ قابىلداۋ ءراسىمى عانا ەمەس, قوعامدى دامىتۋعا, ۇلتتىق قۇندىلىقتاردى نىعايتۋعا جانە مەملەكەتتىك ينستيتۋتتاردىڭ جاۋاپكەرشىلىگىن ارتتىرۋعا باعىتتالعان ماڭىزدى قادام. ونەر قايراتكەرلەرى بۇل ۇدەرىسكە ءاربىر ازاماتتىڭ بەلسەندى قاتىسۋى – ەل بولاشاعىن بىرلەسە قالىپتاستىرۋدىڭ جارقىن كورىنىسى ەكەنىن اتاپ ءوتتى.
