سولتۇستىك قازاقستان گۋمانيتارلىق كومەك جونەلتتى

پەتروپاۆل. 13 مامىر. اقمولا وبلىسىندا سۋ تاسقىنىنان زارداپ شەككەن تۇرعىندارعا قىزىلجار وڭىرىنەن گۋمانيتارلىق جۇك ارتىلعان ءۇش كولىك اتتاندىرىلدى. بۇل تۋرالى وبلىستىق ەنەرگەتيكا جانە تۇرعىن ءۇي-كوممۋنالدىق باسقارماسى حابارلادى. مۇنىڭ الدىندا سولتۇستىك قازاقستان وبلىسى اۋىلدار مەن ۇيلەردى قارعىن سۋ شايىپ كەتكەن قاراعاندىلىقتارعا قول ۇشىن سوزعان بولاتىن. ەندى 60 توننادان استام جۇك تسەلينوگراد اۋدانىنا قاراستى اقمول ەلدى مەكەنىنە بەت الدى. «گۋمانيتارلىق كومەكتى اققايىڭ, قىزىلجار, مامليۋت اۋداندارى ازىرلەدى. ونىڭ قۇرامىندا بۇل 100 كيلو كۇرىش, 100 كيلو قاراقۇمىق, 200 كيلو ماكارون, 9 توننا ۇن, 17 توننا كارتوپ, 460 بانكى كونسەرۆىلەنگەن ەت, تاعى باسقا ازىق-ت ۇلىك ونىمدەرى, سونىمەن قاتار قۇرىلىس ماتەريالدارى دا بار», دەدى ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسى باسشىسىنىڭ ورىنباسارى امان قابدوشەۆ. اققايىڭ اۋدانى اكىمىنىڭ ورىنباسارى ەركىن جاقىپوۆتىڭ ايتۋىنشا, سۋ تاسقىنىنان زارداپ شەككەن قازاقستاندىقتارعا كومەك بەرۋى ءبىرىنشى رەت ەمەس. بۇل جولى جەرلەستەرى بەرىپ جىبەرگەن   1,6 ميلليون تەڭگەنىڭ گۋمانيتارلىق سالەمدەمەسىن اپارا جاتقان كورىنەدى. ءومىر ەسقالي. دەرەك: سولتۇستىك قازاقستان وبلىستىق ەنەرگەتيكا جانە تۇرعىن ءۇي-كوممۋنالدىق باسقارماسى. سۋرەت: egemen.kz