قوستاناي وبلىسىندا كيىكتەر قىرىلدى

قوستاناي. 13 مامىر. قوستاناي وبلىسىنىڭ امانگەلدى اۋدانىندا قىرىلعان كيىكتەردىڭ ولەكسەلەرى تابىلدى. بۇل تۋرالى egemen.kz ءتىلشىسى حابارلادى. وسىدان ءبىر-ەكى كۇن بۇرىن «التىن دالا» رەزەۆاتىنا كىرەتىن امانگەلدى اۋدانىنان 100 باس كيىكتىڭ ولەكسەسى تابىلعان بولاتىن. وسىنى ەستىسىمەن وبلىستاعى بىرنەشە ۆەدومستۆونىڭ باسشىلارى امانگەلدى اۋدانى اۋماعىن ۇشاقپەن ۇشىپ ءوتتى. بۇگىنگە دەيىن وبلىستىق ورمان شارۋاشىلىعى جانە جانۋارلار الەمى اۋماقتىق ينسپەكتسياسىنىڭ ماماندارى ونىڭ 117-گە جەتكەنىن انىقتادى. مامانداردىڭ ايتۋىنشا, كيىكتەر كوتەرەمدىكتەن قىرىلعان. مارات بەگىمبەتوۆ: «كيىكتەردىڭ ولەكسەلەرىنەن ولاردى اتقان بەلگى بىلىنبەيدى. ولگەن كيىكتىڭ ەكەۋى تەكەسى, بەسەۋى قۇرالايى, قالعانى ەشكىسى. كيىكتەر كوتەرمدىكتەن قىرىلدى دەگەن بولجام بار. ونىڭ ناقتى سەبەبىن, سوڭعى قورىتىندىنى زەرتتەۋگە كەتكەن ماماندار ايتاتىن بولادى», دەدى. كيىكتەردىڭ كوتەرەم بولۋىنا وتكەن جازداعى قۋاڭشىلىق سەبەپ بولدى. جەردىڭ شاڭى شىعىپ جاتىرقاندىقتان, كيىكتەردىڭ تىسىنە ىلىنەر ءشوپ بولماعان. 2012 جىلى كيىكتەردىڭ بۇلاي قىرىلۋى جانگەلدين اۋدانىندا دا ورىن العان بولاتىن. وندا كيىكتىڭ 200-دەن استام ولەكسەسى جينالىپ, جويىلعان بولاتىن. ءنازيرا جارىمبەتوۆا. دەرەك, سۋرەت: egemen.kz