ءبىلىم بەرۋ باعدارلاماسى مەملەكەتتىك باسقارۋ, قوعامدىق ساياسات, ازاماتتىق قوعام ينستيتۋتتارى مەن ۇكىمەتتىك ەمەس ۇيىمدار سالاسىندا قىزمەت ەتىپ جۇرگەن ماماندارعا ارنالعان. ونى ءساتتى اياقتاعاندارعا مەملەكەتتىك باسقارۋ جانە قوعامدىق ساياسات سالاسىنداعى ماگيسترلىك دارەجە بەرىلەدى. EMBA (Executive Master of Business Administration) فورماتىنداعى بۇل وقۋ كۋرسى زاماناۋي مەملەكەتتىك مەنەدجمەنتتىڭ بارلىق تالاپتارىن ەسكەرە وتىرىپ ازىرلەنگەن.
«Abai University» مەديا ورتالىعىنىڭ دەرەگىنشە, «ساياسات جوباسى جانە ايەلدەر كوشباسشىلىعى» ءبىلىم بەرۋ باعدارلاماسىنىڭ مازمۇنى ستراتەگيالىق مەنەدجمەنت, قوعامدىق ساياساتتى جوبالاۋ, گەندەرلىك ساياسات, ينكليۋزيۆتى دامۋ جانە تسيفرلىق مەملەكەتتىك باسقارۋ سياقتى وزەكتى باعىتتاردى قامتيدى. سونىمەن قاتار, تىڭداۋشىلار كەلىسسوزدەر جۇرگىزۋ مەن مەدياتسيا داعدىلارىن مەڭگەرىپ, ناقتى كەيستەر نەگىزىندە باسقارۋشىلىق شەشىم قابىلداۋدى ۇيرەنەدى. بۇل ءبىلىم بەرۋ مودەلى تەوريادان گورى پراكتيكالىق ناتيجەگە باسىمدىق بەرىپ, ستراتەگيالىق جوبالاردى ىسكە اسىرۋعا مۇمكىندىك بەرەدى.
اۋقىمدى ءبىلىم بەرۋ جوباسى «Amanat» پارتياسىنىڭ تىكەلەي قولداۋىمەن جۇزەگە اسىرىلۋى ونىڭ ساياسي جانە ستراتەگيالىق ماڭىزىن ايقىنداي تۇسەدى. پارتيانىڭ بۇل باستاماعا سەرىكتەس بولۋى – ەلىمىزدەگى ايەلدەردىڭ قوعامدىق-ساياسي ومىرگە ارالاسۋ بەلسەندىلىگىن ارتتىرۋ مەن گەندەرلىك ساياساتتى ىلگەرىلەتۋگە باعىتتالعان ناقتى قادامى.
قازاقستاندا بيزنەسپەن اينالىساتىن ايەلدەرگە كىمدەر كومەكتەسەدى؟
قازىرگى تاڭدا ايەلدەردىڭ قوعامداعى ءرولىن نىعايتۋعا باعىتتالعان جاڭا مۇمكىندىكتەر قاراستىرىلىپ, ىسكە قوسىلىپ جاتىر. جاڭا باعدارلاما ءبىلىم مەن كوشباسشىلىقتى ۇشتاستىرىپ, ەل دامۋىنا ۇلەس قوساتىن جاڭا بۋىن قالىپتاستىرۋدى كوزدەيدى.
الماتى
