پروفەسسوردىڭ ايتۋىنشا, مەملەكەتتى جاڭعىرتۋ تەك جەكە تۇزەتۋلەرمەن شەكتەلمەي, بيلىك جۇيەسىنىڭ قۇرىلىمى, حالىق وكىلدىگى جانە قۇقىقتىق مەحانيزمدەردىڭ كەشەندى تۇردە قايتا قارالۋىن تالاپ ەتەدى. سوندىقتان جاڭا كونستيتۋتسيا جوباسى بيلىك تارماقتارىنىڭ تەپە-تەڭدىگىن نىعايتىپ, قۇقىقتىق جۇيەنىڭ تيىمدىلىگىن ارتتىرۋعا باعىتتالعان.
سونداي-اق, ەرمەك ءابدىراسۋلوۆ ءبىرپالاتالى قۇرىلتايعا كوشۋ مەن حالىق كەڭەسىن قۇرۋدى زامان تالاپتارىنا ساي, تاريحي داستۇرلەرمەن ساباقتاسقان ماڭىزدى ينستيتۋتسيونالدىق قادام رەتىندە باعالادى. بۇل وزگەرىستەر ازاماتتاردىڭ وكىلدىگىن كۇشەيتىپ, مەملەكەتتىك باسقارۋدىڭ اشىقتىعى مەن تيىمدىلىگىن ارتتىرۋعا مۇمكىندىك بەرەدى. سونىمەن قاتار, جاڭا جوبادا ادام قۇقىقتارى مەن بوستاندىقتارىن قورعاۋ تەتىكتەرىن كۇشەيتۋگە باسىمدىق بەرىلگەن
«ادام قۇقىقتارى مەن بوستاندىقتارىن قورعاۋ تەتىكتەرىن كۇشەيتۋ, زاڭنىڭ كەرى كۇشىنە تىيىم سالۋ, ادۆوكاتۋرانىڭ كونستيتۋتسيالىق مارتەبەسىن بەكىتۋ – قۇقىقتىق ءارى دەموكراتيالىق مەملەكەتتى قالىپتاستىرۋدىڭ بەرىك نەگىزى», دەپ اتاپ ءوتتى پروفەسسور.
وسىلايشا جاڭا جوبا ازاماتقا باعدارلانعان جانە قۇقىق قورعاۋدىڭ كەپىلدىكتەرىن قامتاماسىز ەتەتىنىن باسا ايتتى. ساراپشىنىڭ پىكىرىنشە, قازىرگى كەزەڭدە سىرتقى قاۋىپ-قاتەرلەردىڭ كۇشەيۋى, تسيفرلاندىرۋ, ەنەرگيا رەسۋرستارى ءۇشىن جاھاندىق باسەكە جانە حالىقارالىق قاتىناستاردىڭ جاڭا فورماتى مەملەكەتتىك باسقارۋدى جەتىلدىرۋدى قاجەت ەتەدى. سول سەبەپتى جاڭا كونستيتۋتسيادا ۇلتتىق بىرەگەيلىكتى ساقتاۋ, قوعامدىق تۇراقتىلىقتى قامتاماسىز ەتۋ جانە بيلىك ينستيتۋتتارىنىڭ وكىلەتتىكتەرىن ناقتىلاۋ باستى ماقسات رەتىندە بەلگىلەنگەن.
جوبا ەركىندىك, تەڭدىك, ادىلدىك, زاڭ مەن ءتارتىپ قاعيداتتارىنا نەگىزدەلگەن, سونىمەن بىرگە تسيفرلىق قۇقىقتاردى قورعاۋ, دەربەس دەرەكتەر قاۋىپسىزدىگى جانە جاڭا تەحنولوگيالار جاعدايىنداعى قۇقىقتىق كەپىلدىكتەردى قاراستىرادى. مۇنىڭ ءبارى ازاماتتاردىڭ قۇقىقتارى مەن زاڭدى مۇددەلەرىن قورعاۋدى كۇشەيتەدى, سونىمەن قاتار ەلدىڭ ينۆەستيتسيالىق تارتىمدىلىعىن ارتتىرىپ, ەكونوميكالىق جانە الەۋمەتتىك دامۋدى قولدايدى.
رەفەرەندۋم كەزىندە شالعايدا جۇرگەن ازاماتتار قالاي داۋىس بەرەدى؟
ء«ار ازامات ءوز قۇقىقتارىن جۇزەگە اسىرۋ بارىسىندا باسقا ادامداردىڭ زاڭدى مۇددەلەرىنە زيان كەلتىرمەۋى ءتيىس. بۇل - قۇقىقتىق مەملەكەتتىڭ نەگىزگى قاعيداتى. جاڭا كونستيتۋتسيا ازاماتقا باعدارلانعان مودەلدى ۇسىنادى جانە قوعام مەن مەملەكەتتىڭ بارلىق قاتىسۋشىلارىنىڭ قۇقىقتارى مەن زاڭدى مۇددەلەرىن قورعاۋعا باعىتتالعان», دەپ تۇيىندەدى ەرمەك ءابدىراسۋلوۆ.
ايتا كەتەيىك, كونستيتۋتسيالىق كوميسسيا مەملەكەت باسشىسىنا جاڭا كونستيتۋتسيانىڭ قورىتىندى جوباسىن ۇسىندى, ال ساراپشىلاردىڭ پىكىرىنشە, بۇل قۇجات ەلدىڭ تۇراقتىلىعى مەن ۇزاق مەرزىمدى دامۋىنا قۇقىقتىق كەپىل بولماق.
رەفەرەندۋم-2026: داۋىس بەرۋ ۋچاسكەسىن جسن ارقىلى قالاي تابۋعا بولادى؟
