فوتو: قر تجم ءباسپاسوز قىزمەتى
ءورت 2-ءشى پەرۆومايسكايا كوشەسىندە ورنالاسقان 5 قاباتتى تۇرعىن ءۇيدىڭ 3-قاباتىنداعى پاتەردە بولعان. جالىن تۇتانعان ساتتە عيماراتتىڭ پودەزى قالىڭ تۇتىنگە تولىپ, تۇرعىنداردى شۇعىل تۇردە سىرتقا شىعارۋ قاجەت بولدى. كەيبىر تۇرعىندار ءورت سوندىرۋشىلەردىڭ ارنايى باسپالداقتارى ارقىلى قاۋىپسىز جەرگە ءتۇسىرىلدى.
تجم مالىمەتىنشە, وقيعا ورنىنا قۇتقارۋ بولىمشەلەرى جەدەل جەتىپ, ءتۇتىن باسقان پودەزدەن ارنايى قۇتقارۋ قالپاقتارىن پايدالانىپ, باسپالداق ارقىلى 27 ادامدى سىرتقا الىپ شىققان. ولاردىڭ ىشىندە 15 بالا بار.
سونىمەن قاتار قۇتقارۋشىلار ۇيدەن تاعى 76 تۇرعىندى ەۆاكۋاتسيالادى. ولاردىڭ 23-ءى – بالالار.
قۇتقارۋشىلاردىڭ جەدەل ءارى ۇيلەسىمدى ارەكەتىنىڭ ناتيجەسىندە ءورت تولىقتاي ءسوندىرىلىپ, جاعداي باقىلاۋعا الىندى. زارداپ شەككەندەر جوق.
