قازگيدرومەت سينوپتيكتەرىنىڭ مالىمەتىنشە, ەلدىڭ بىرقاتار وبلىسىندا جاۋىن-شاشىن كۇشەيىپ, جەلدىڭ ەكپىنى 15–28 م/س دەيىن جەتۋى مۇمكىن. كەي وڭىرلەردە تۇمان ءتۇسىپ, جولداردا كوكتايعاق قالىپتاسادى.
باتىس وڭىرلەردە, سونىڭ ىشىندە اقتوبە مەن باتىس قازاقستان وبلىستارىندا قار, جاياۋ بۇرقاسىن جانە كوكتايعاق كۇتىلەدى. جەلدىڭ ەكپىنى 15–20 م/س دەيىن كۇشەيەدى.
سولتۇستىك ايماقتاردا, اتاپ ايتقاندا سولتۇستىك قازاقستان, اقمولا جانە قوستاناي وبلىستارىندا قار, بۇرقاسىن جانە كوكتايعاق كۇتىلەدى. كەي جەرلەردە تۇمان ءتۇسىپ, جەلدىڭ ەكپىنى 23–28 م/س دەيىن جەتەدى. پەتروپاۆل, كوكشەتاۋ جانە قوستاناي قالالارىندا دا قارلى بوران مەن كوكتايعاق بولۋى مۇمكىن.
ورتالىق وڭىرلەردە, اتاپ ايتقاندا قاراعاندى مەن ۇلىتاۋ وبلىستارىندا قار ارالاس جاڭبىر, بۇرقاسىن جانە كوكتايعاق كۇتىلەدى. جەلدىڭ ەكپىنى كەي ۋاقىتتا 23 م/س دەيىن كۇشەيۋى ىقتيمال. قاراعاندى مەن جەزقازعاندا تۇمان ءتۇسىپ, جولدار تايعاق بولۋى مۇمكىن.
شىعىس قازاقستان مەن اباي وبلىستارىندا جاۋىن-شاشىن, بۇرقاسىن جانە كوكتايعاق كۇتىلەدى. جەلدىڭ جىلدامدىعى 15–25 م/س دەيىن كۇشەيەدى. وسكەمەن مەن سەمەيدە كۇننىڭ ەكىنشى جارتىسىندا جولداردا كوكتايعاق بولۋى ىقتيمال.
وڭتۇستىك جانە وڭتۇستىك-شىعىس وڭىرلەردە اۋا رايى سالىستىرمالى جۇمساق بولعانىمەن, تۇمان مەن كوكتايعاق قاۋپى ساقتالادى. الماتى, جامبىل جانە جەتىسۋ وبلىستارىنىڭ كەي اۋداندارىندا تۇمان ءتۇسىپ, تاۋلى وڭىرلەردە جەلدىڭ ەكپىنى 15–20 م/س دەيىن جەتەدى. تۇركىستان وبلىسىنىڭ تاۋلى ايماقتارىندا جاڭبىر مەن نايزاعاي بولۋى مۇمكىن.
باتىس جانە وڭتۇستىك-باتىس وڭىرلەردە دە اۋا رايى تۇراقسىز بولادى. اتىراۋ, قىزىلوردا جانە ماڭعىستاۋ وبلىستارىندا تۇمان, كوكتايعاق جانە جەلدىڭ كۇشەيۋى كۇتىلەدى.
سينوپتيكتەر ەل تۇرعىندارىنا اۋا رايىنىڭ كۇرت وزگەرۋىنە بايلانىستى جولدا ساق بولۋعا, الىس ساپارعا شىققاندا قاۋىپسىزدىك شارالارىن ەسكەرۋگە كەڭەس بەرەدى.
