بۇل تۋرالى توتەنشە جاعدايلار ءمينيسترى شىڭعىس ءارىنوۆ مالىمدەدى. ونىڭ ايتۋىنشا, ەلىمىز بويىنشا سۋ تاسقىنى بولۋى مۇمكىن 1242 ەلدى مەكەن انىقتالدى.
سۋ تاسقىنى كەزەڭىندە ىقتيمال توتەنشە جاعدايلاردى جويۋ جانە ازاماتتاردىڭ قاۋىپسىزدىگىن قامتاماسىز ەتۋ ءۇشىن جالپى سانى 39 مىڭ ادامنان اساتىن ازاماتتىق قورعاۋ قىزمەتتەرىنىڭ كۇشتەرى مەن قۇرالدارىنىڭ رەسپۋبليكالىق جانە وڭىرلىك توپتارى قۇرىلعان, سونداي-اق 18 مىڭنان استام تەحنيكا مەن ارنايى قۇرالدار دايىندالدى.
بارلىق قىزمەتتەر جوعارى جاۋىنگەرلىك دايىندىق رەجيمىنە كەلتىرىلدى. مينيستر احۋال كۇردەلەنگەن جاعدايدا قاجەتتى شەشىمدەر دەرەۋ قابىلدانادى دەپ سەندىردى.
