فوتو: shutterstock.com
جاڭارتىلعان رەيتينگكە سايكەس, الەمدەگى ەڭ قىمبات ەلدەر قاتارىندا شاعىن ارالدىق اۋماقتار مەن دامىعان مەملەكەتتەر كوش باستاپ تۇر. ءتىزىمنىڭ جوعارعى بولىگىندە بەرمۋد, كايمان ارالدارى, امەريكالىق ۆيرگينيا ارالى, سونداي-اق شۆەيتساريا, يسلانديا جانە سينگاپۋر بار. بۇل ەلدەردە كۇندەلىكتى قاجەتتىلىكتەرگە جۇمسالاتىن شىعىندار الەمدىك ورتاشا دەڭگەيمەن سالىستىرعاندا الدەقايدا جوعارى.
Numbeo دەرەكتەرىنە سايكەس, قازاقستاندا ءومىر ءسۇرۋ ساپاسى يندەكسى شامامەن 29,8-ورىندى قۇرايدى (تۇرعىن ءۇي جالداۋ اقىسى ەسەپكە الىنباعان). بۇل كورسەتكىش ازىق-ت ۇلىك, قىزمەت كورسەتۋ, كولىك جانە قوعامدىق تاماقتانۋ باعاسى دامىعان ەلدەردىڭ باسىم بولىگىنەن الدەقايدا تومەن ەكەنىن كورسەتەدى.
ايماقتىق تۇرعىدان العاندا, كورشىلەس ەلدەردىڭ كورسەتكىشتەرى دە ۇقساس. ماسەلەن, وزبەكستان – شامامەن 27,3-ورىن, بۇل ونى كۇندەلىكتى تاۋارلار مەن قىزمەتتەر شىعىنى جاعىنان ەڭ قولجەتىمدى ەلدەردىڭ بىرىنە اينالدىرادى. تاجىكستان كورسەتكىشى دە تومەن – 27,9-ورىن شاماسىندا. ال قىرعىزستان يندەكسى 27,3-ورىن دەڭگەيىندە, ياعني وزبەكستانمەن شامالاس.
بۇل دەرەكتەر ورتالىق ازياداعى اتالعان ەلدەردىڭ بارلىعى ءومىر ءسۇرۋ قۇنى سالىستىرمالى تۇردە تومەن مەملەكەتتەر توبىنا جاتاتىنىن كورسەتەدى. دەگەنمەن, ولاردىڭ اراسىنداعى ايىرماشىلىق ايتارلىقتاي ۇلكەن ەمەس.
ساراپشىلاردىڭ ايتۋىنشا, ءومىر ءسۇرۋ قۇنىنىڭ تومەن بولۋى ءاردايىم حالىقتىڭ ءال-اۋقاتى جوعارى دەگەندى بىلدىرمەيدى. سەبەبى تۇرعىنداردىڭ ساتىپ الۋ قابىلەتى ەڭ الدىمەن تابىس دەڭگەيىنە تاۋەلدى. سوندىقتان كەي جاعدايدا نەگىزگى تاۋارلار مەن قىزمەتتەرگە جۇمسالاتىن شىعىندار ءۇي شارۋاشىلىقتارى بيۋدجەتىنىڭ ەلەۋلى بولىگىن الۋى مۇمكىن.
Numbeo رەيتينگى پايدالانۋشىلار ۇسىنعان دەرەكتەر نەگىزىندە جاسالادى جانە تۇراقتى تۇردە جاڭارتىلىپ وتىرادى. بۇل جۇيە ءار ەلدەگى باعا دەڭگەيىن سالىستىرۋعا جانە الەم ايماقتارىنداعى ءومىر ءسۇرۋ قۇنىنىڭ وزگەرىسىن باعالاۋعا مۇمكىندىك بەرەدى.
