فوتو: kase.kz
قاتىسۋشىلار ىشكى نارىقتاعى «ۇزىن» اقشا كوزدەرىن, زەينەتاقى اكتيۆتەرىنىڭ ءرولىن تالقىلاپ, بانكتەردىڭ بورىشتىق باعالى قاعازداردى شىعارۋعا نەگە اسىقپايتىنى جونىندە پىكىر ءبىلدىردى. سونداي-اق سپيكەرلەر ينۆەستورلار شەڭبەرىن كەڭەيتۋ جانە ترانزاكتسيالىق شىعىندى ازايتۋ تۇرعىسىنان تسيفرلىق قارجى قۇرالدارىنىڭ الەۋەتىن قاراستىردى.
ءادىل مۇحامەدجانوۆ ۇزاقمەرزىمدى ينۆەستيتسيالار نارىعىندا نەگىزگى ءرولدى بۇگىندە زەينەتاقى قورلارى اتقاراتىنىن اتاپ ءوتتى. ۇزاقمەرزىمدى وبليگاتسيالار مەن وزگە دە بورىشتىق قۇرالداردى ساتىپ الۋعا كوبىرەك ينۆەستور تارتۋ ءۇشىن ولاردىڭ قارىز الۋشىلارعا سەنىمى بولۋى جانە نارىقتىڭ تۇراقتىلىعىنا ارقا سۇيەي الۋى ماڭىزدى. سونىمەن قاتار, ونىڭ ايتۋىنشا, تەحنولوگيالار نارىق مۇمكىندىكتەرىن كەڭەيتىپ, جاڭا قاتىسۋشىلاردى تارتۋعا ىقپال ەتە الادى.
«تەحنولوگيالاردىڭ ءوزى اقشانى اۆتوماتتى تۇردە ۇزىن نەمەسە ارزان ەتپەيدى, الايدا ولار جاڭا ويىنشىلار ءۇشىن جاڭا مۇمكىندىكتەر جاساپ, نارىقتى كەڭەيتە الادى. تسيفرلىق قارجى قۇرالدارى مەن توكەنيزاتسيا ماڭىزدى ءۇش ارتىقشىلىق بەرەدى: وپەراتسيالاردى اۆتوماتتاندىرۋ, بولشەك ينۆەستورلار ءۇشىن كەدەرگىلەردى ازايتۋ جانە قۇرالداردى نارىققا جەدەل شىعارۋ», دەپ اتاپ ءوتتى KASE باسشىسى.
ونىڭ سوزىنشە, بۇگىنگى تاڭدا بيرجانىڭ مىندەتى – نارىقتى بولىكتەرگە بولمەي, كلاسسيكالىق جانە تسيفرلىق ينفراقۇرىلىمدى ينتەگراتسيالاۋ. بارلىق قۇرال بىرىڭعاي كەڭىستىكتە قولجەتىمدى بولىپ, ينۆەستور ءۇشىن ولارعا قول جەتكىزۋدىڭ قاراپايىم ءارى تۇسىنىكتى نەگىزى بولۋعا ءتيىس.
وراز جاندوسوۆ: ليبەرالدانباعان نارىقتار مەن التىندى «اينالاۋ» ينفلياتسيانى كۇشەيتىپ جىبەرەدى
