دايىن قۇرىلعى تەستىلەۋدەن وتكىزىلىپ, ونىڭ جۇمىس جىلدامدىعى, ينتەرنەتكە قوسىلۋ مۇمكىندىگى جانە ەنەرگيا تۇتىنۋ كورسەتكىشتەرى تەكسەرىلدى. تەستىلەۋ ناتيجەلەرى قۇرىلعىنىڭ وقۋ جانە كۇندەلىكتى قاراپايىم جۇمىستارعا تولىقتاي جارامدى ەكەنىن كورسەتتى.
«ايات جوبانى جەتىلدىرۋ ماقساتىندا Raspberry Pi نەگىزىندەگى شاعىن ءپورتاتيۆتى نوۋتبۋك قۇراستىرۋ جولدارىن زەرتتەي باستادى. نوۋتبۋك كورپۋسىنىڭ ولشەمدەرى انىقتاپ, 3D مودەلىن جوبالاۋ جۇمىستارى جۇرگىزدى. ءپروتاتيۆتى نوۋتبۋكتىڭ كورپۋسى 3D پرينتەردە باسىپ شىعارىلعان سوڭ ىشكى قۇرىلعىلار كورپۋسقا بەكىتىلىپ جالعاندى. ناتيجەسىندە تولىققاندى شاعىن ءپروتاتيۆتى نوۋتبۋك دايىن بولدى. جوبانى جاساۋعا شامامەن 2 اي ۋاقىت كەتكەن. بۇل جوبا وقۋشىلاردىڭ شىعارماشىلىق قابىلەتىن ارتتىرىپ, ينجەنەرلىك ويلاۋىن دامىتۋعا جانە زاماناۋي اقپاراتتىق تەحنولوگيالارعا قىزىعۋشىلىعىن قالىپتاستىرۋعا مۇمكىندىك بەرەدى», دەدى جەتەكشىسى سارباسوۆا ايبالا ەسەنعاليقىزى.
جوبا جۇمىسىن جۇرگىزۋ بارىسىندا تاجەن ايات ءوزىنىڭ ينجەنەرلىك, شىعارماشىلىق قابىلەتتەرىن كورسەتتى. ول ساباقتان تىس ۋاقىتىندا Web-جوبالاۋ, 3D-مودەلدەۋ, پروگراممالاۋمەن اينالىسادى. Python, C++, Lua, Dart پروگراممالاۋ تىلدەرىن جەتىك مەڭگەرگەن.
