فوتو: freepik.com
سەرىك جۇمانعارين تۇتىنۋشىلار تەك الەۋمەتتىك ماڭىزى بار ونىمدەردى عانا ەمەس, وزگە دە تاۋارلاردى ساتىپ الاتىنىن اتاپ ءوتتى. ولاردىڭ ءبىر بولىگى شەتەلدەن اكەلىنەدى. بۇل ىشكى نارىقتاعى باعاعا تىكەلەي ىقپال ەتەدى.
سونىمەن قاتار الەمدىك نارىقتا ازىق-ت ۇلىك قۇنى ءوسىپ وتىر. ءمينيستردىڭ سوزىنشە, سوڭعى ۋاقىتتا ءسۇت پەن ەت ايتارلىقتاي قىمباتتاعان. سونىڭ سالدارىنان وتاندىق ونىمدەر ەكسپورتتىق نارىقتا سۇرانىسقا يە بولا تۇسكەن.
«فەرمەرلەر ءونىمىن ەكسپورتقا شىعارۋعا مۇددەلى, سەبەبى سىرتتا باعا جوعارى. ىشكى نارىقتا ساتۋدى سۇراعاندا, ولار تابىستىلىعىن ساقتاعىسى كەلەتىنىن ايتىپ, باعانى كوتەرەدى», دەدى مينيستر.
ول مەملەكەتتىڭ اگرارلىق ءونىمدى شەتەلگە ساتۋعا تىيىم سالا المايتىنىن, سەبەبى بۇل سالانىڭ بيزنەس ءۇشىن تارتىمدىلىعىن تومەندەتىپ, اۋىل شارۋاشىلىعىنىڭ دامۋىنا كەرى اسەرىن تيگىزۋى مۇمكىن ەكەنىن ايتتى
مينيستر تاعى ءبىر ماڭىزدى فاكتور رەتىندە «يمپورتتالعان ينفلياتسيانى» اتادى. قاڭتار قورىتىندىسى بويىنشا قازاقستاندا ازىق-ت ۇلىك ينفلياتسياسى 0,8% بولسا, رەسەيدە بۇل كورسەتكىش شامامەن 2% بولعان. ال ەلىمىزگە جەتكىزىلەتىن تاۋارلاردىڭ ەلەۋلى بولىگى رەسەيدەن كەلەدى.
جۇمانعاريننىڭ پىكىرىنشە, باعانىڭ ءوسۋىن تەك ققس-تىڭ 4%-عا ارتۋىمەن ءتۇسىندىرۋ جەتكىلىكسىز. ازىق-ت ۇلىك قۇنىنا اسەر ەتەتىن سەبەپتەر كەشەنى بار.
ازىق-ت ۇلىك باعاسىن نەگىزسىز وسىرگەن كاسىپكەرلەر جاۋاپقا تارتىلدى
مينيستر ماسەلەنىڭ ءتۇيىنىن وتاندىق ءوندىرىستى كۇشەيتۋ جانە ىشكى نارىقتى ءوز ونىمىمىزبەن تولىق قامتۋ دەپ سانايدى. قازىر مەملەكەت وسى باعىتتا جۇيەلى جۇمىس جۇرگىزىپ جاتىر.
ايتا كەتەيىك, جىل باسىنان بەرى ءبىرىنشى سۇرىپتى ۇننان پىسىرىلگەن نان باعاسى دا ايتارلىقتاي ءوستى. قاڭتاردىڭ العاشقى ونكۇندىگىندە ەل بويىنشا ورتاشا باعا 1,8%-عا كوتەرىلدى. بۇل 2022 جىلدىڭ ناۋرىزىنان بەرگى ەڭ جوعارى ءوسىم.
