شىعىس قازاقستان وبلىسىندا اۋدان اكىمى تاعايىندالدى

وسكەمەن. 13 مامىر. شىعىس قازاقستان وبلىسىنىڭ اكىمى دانيال احمەتوۆتىڭ وكىمىمەن راميل نىعمەتشان ۇلى ساعاندىقوۆ كوكپەكتى اۋدانىنىڭ اكىمى بولىپ تاعايىندالدى. بۇل تۋرالى egemen.kz ءتىلشىسى حابارلادى. جاڭا باسشىنى اۋدان اكتيۆىنە وبلىس اكىمىنىڭ ورىنباسارى جاقسىلىق ومار تانىستىردى. راميل ساعاندىقوۆ 1967 جىلى تۋعان. كوكپەكتى اۋدانىنىڭ كوكپەكتى اۋىلىنىڭ تۋماسى. 1991 جىلى سەمەي زووتەحنيكالىق-مال دارىگەرلىك ينستيتۋتىن, 2014 جىلى قازاق يننوۆاتسيالىق گۋمانيتارلىق-زاڭ ۋنيۆەرسيتەتىن بىتىرگەن. ەڭبەك جولىن كوكپەكتى اۋدانىنىڭ ۇلكەنبوكەن اۋىلىنىڭ «شەگەلەك» سوۆحوزىنىڭ №3 فەرماسىندا جۇمىسشى بولىپ باستاعان. ينستيتۋتتى بىتىرگەننەن كەيىن 1991-1994 جىلدارى مال دارىگەرى, فەرما مەڭگەرۋشىسى بولدى. 1995-1998 جىلدارى «شەگەلەك» اق-ىندا باس مال دارىگەرى, 1998-2000 جىلدارى اتالعان كاسىپورىندا ديرەكتوردىڭ ورىنباسارى, 2000-2010 جىلدارى «شەگەلەك LTD» جشس ديرەكتورى بولىپ ەڭبەك ەتتى. 2010 جىلدان 2011 جىلعا دەيىن كوكپەكتى اۋدانىنىڭ ۇلكەنبوكەن اۋىلدىق وكرۋگىنىڭ اكىمى, 2011 جىلدىڭ تامىز ايىنان باستاپ كوكپەكتى اۋدانى اكىمىنىڭ ورىنباسارى, سوڭعى بەس ايدا اتالعان اۋدان اكىمىنىڭ مىندەتىن اتقارۋشى بولىپ قىزمەت ەتتى. دۋمان اناش, دەرەك: egemen.kz سۋرەت: شىعىس قازاقستان وبلىسى اكىمىنىڭ ءباسپاسوز قىزمەتى.