فوتو: frequentflyers.ru
28 اقپان مەن 2 ناۋرىز ارالىعىندا بيلەت ساتىپ العانمەن ەلگە جەتە الماعان جەرلەستەرىمىز بۇگىن استانا جانە الماتى اۋەجايىنا كەلىپ قوندى. ال بيلەت الماعان وتانداستارىمىز بەن ترانزيتتىك ايماقتا جۇرگەن جانە ءباا مەن قاتار اۋماعىندا تۇراتىن قازاقستان ازاماتتارى ەكى كورشى مەملەكەت ارقىلى ەلگە قايتارىلادى.
دۋبايداعى ەكى اۋەجايدىڭ جۇمىسى قايتا جاندانادى
«بۇگىن دۋبايدان ازاماتتارىمىز مىنگەن العاشقى اۆتوبۋس لەگى شىقتى. كۇن سوڭىنا دەيىن 467 ازاماتتى ەلگە جەتكىزۋدى جوسپارلاپ وتىرمىز. ەكىنشى رەيس قاتاردان ساۋد ارابياسى باعىتىندا ۇيىمداستىرىلىپ جاتىر. بولجام بويىنشا, بۇل – جيددا قالاسى بولادى. ادامداردى اۆتوبۋسپەن قاتاردان ەر-ريادقا, ودان كەيىن جيدداعا جەتكىزىپ, ءارى قاراي وتاندىق اۋە كومپانيالارىنىڭ ۇشاقتارىمەن قازاقستانعا قايتارامىز», دەدى الىبەك باقاەۆ.
سونداي-اق ەرتەڭ, 4 ناۋرىز كۇنى جيددادان 343 ادامدى ەلگە جەتكىزۋ جوسپارلانعان. ەۆاكۋاتسيالاۋعا ەڭ الدىمەن, كامەلەتكە تولماعان بالالارى بار ايەلدەر, 60 جاستان اسقان ازاماتتار جانە بەلگىلى ءبىر اۋرۋلارى بار ادامداردان جاساقتالىپ جاتىر.
قازىر ازاماتتارىمىزدى ەلگە قايتارۋ ءۇشىن التى ۇشاق دايىندالىپ جاتىر.
«ەسەپتى سىرتقى ىستەر مينيسترلىگىنىڭ كونسۋلدىق قىزمەتى جۇرگىزەدى. جولاۋشىلار سانى شامامەن بەس مىڭعا جۋىق. دەسە دە بۇل كورسەتكىش ۇنەمى وزگەرىپ وتىرادى. Air Astana جانە SCAT Airlines تاراپىنان التى اۋە كەمەسى ءبولىندى. ەگەر اۋە كەڭىستىگى اشىلسا, بىردەن سول باعىتقا جىبەرەمىز», دەدى كولىك ءمينيسترى نۇرلان ساۋرانباەۆ.
