كەشتىڭ العاشقى مينۋتتارىنان-اق زالدا بىرلىك پەن بەلسەندىلىك اتموسفەراسى سەزىلدى. جۇرگىزۋشىلەر مەن سپيكەرلەر ازاماتتىق بەلسەندىلىكتىڭ ماڭىزىن, ءار ادامنىڭ ەل بولاشاعى ءۇشىن جەكە جاۋاپكەرشىلىگىن ەرەكشە اتاپ ءوتتى. قاتىسۋشىلار ينتەراكتيۆتى بولىمدەرگە بەلسەنە قاتىسىپ, قول شاپالاقتاۋ مەن زالدان جاۋاپ بەرۋ ارقىلى وزدەرىنىڭ نىق ۇستانىمدارىن ءبىلدىردى.
جينالعان كوپشىلىك الدىندا كونستيتۋتسيانى قولداۋ جونىندەگى جالپىۇلتتىق كواليتسيانىڭ وڭىرلىك شتابىنىڭ توراعاسى مەن مۇشەلەرى ءسوز سويلەدى. ولاردىڭ قاتارىندا شىعىس قازاقستان وبلىستىق ءماسليحاتىنىڭ توراعاسى رىپاكوۆ دەنيس سەرگەەۆيچ, س.امانجولوۆ اتىنداعى شقۋ رەكتورى مۇحتار تولەگەن جانە جاس بەلسەندى انۋار احمەتقاليەۆ بولدى.
«جاڭا كونستيتۋتسيا – مەملەكەتتىڭ ورنىقتى دامۋىنىڭ بەرىك نەگىزى. ونى قولداي وتىرىپ, ءبىز تۇراقتىلىقتى, ادىلەتتىلىكتى جانە سەنىمدى العا قادام باسۋدى تاڭدايمىز. ءوڭىر تۇرعىندارى بەلسەندى ازاماتتىق ۇستانىم تانىتىپ, جارقىن بولاشاق ءۇشىن داۋىس بەرەدى دەپ سەنەمىن», دەدى دەنيس رىپاكوۆ.
كەشتىڭ مۋزىكالىق باعدارلاماسىندا قازاقستاندىق ەسترادا جۇلدىزدارى ەركىن نۇرجانوۆ, SADRADDIN جانە ميراس جۇگىنىسوۆ ونەر كورسەتتى. ولاردىڭ ورىنداۋلارى كەشتىڭ شارىقتاۋ شەگىنە اينالىپ, اسىرەسە جاستاردىڭ ىستىق ىقىلاسىنا بولەندى.
جاڭا كونستيتۋتسيا جوباسىنا قاتىستى قانداي جالعان اقپاراتتار تارادى؟
ۇيىمداستىرۋشىلار مۇنداي اۋقىمدى ءىس-شارالار قوعامدىق ديالوگتى نىعايتىپ, اشىق پىكىر الماسۋعا ءتيىمدى الاڭ قالىپتاستىراتىنىن اتاپ ءوتتى.
جاڭا كونستيتۋتسيا جوباسىن تالداۋعا ارنالعان پارتياارالىق ديالوگ ءوتتى
