جۇرگىزۋشى كۋالىگىن ونلاين اۋىستىرۋ: جاڭا قىزمەتتى قالاي راسىمدەيمىز؟

نەگىزگى تالاپتار

• مەرزىمى ءوتىپ كەتكەن كۋالىك ءۇشىن مىندەتتى تۇردە مەديتسينالىق تەكسەرۋدەن ءوتۋ قاجەت.

• ەگەر كۋالىك مەرزىمى اياقتالعانعا دەيىن اۋىستىرىلسا, مەديتسينالىق انىقتاما تالاپ ەتىلمەيدى.

• مەملەكەتتىك باج سالىعى – 1,25 اەك.

• قىزمەت كورسەتۋ مەرزىمى – 60 مينۋت.

• 30 كۇننەن استام تولەنبەگەن ايىپپۇل بولسا, قىزمەت كورسەتىلمەيدى

eGov.kz پورتالى ارقىلى

ەندى مەرزىمى وتكەن جۇرگىزۋشى كۋالىگىن ونلاين اۋىستىرۋعا بولادى

1. پورتالعا كىرىپ, «ازاماتتارعا» – «كولىك جانە كوممۋنيكاتسيالار» – «اۆتوموبيل كولىگى» بولىمىنە ءوتىڭىز.

2. «جۇرگىزۋشى كۋالىگىن الۋ» قىزمەتىن تاڭداڭىز.

3. فوتو مەن قولتاڭبا ۇلگىسىن جۇكتەڭىز.

4. دايىن قۇجاتتى الاتىن حقكو-نى كورسەتىڭىز.

5. مەملەكەتتىك باجدى تولەڭىز.

6. ءوتىنىمدى ەلەكتروندى قولتاڭبامەن نەمەسە وزگە قولجەتىمدى تاسىلمەن راستاڭىز.

eGov Mobile ارقىلى

1. قوسىمشاعا كىرىپ, «eGov مەملەكەتتىك قىزمەتتەر» – «جۇرگىزۋ جانە كولىك» بولىمىنە ءوتىڭىز.

2. «جۇرگىزۋشى كۋالىگىن بەرۋ» قىزمەتىن تاڭداڭىز.

3. فوتو مەن قولتاڭبانى جۇكتەڭىز.

4. حقكو ءبولىمىن تاڭداڭىز.

5. باج سالىعىن تولەڭىز.

6. ءوتىنىمدى راستاڭىز.

نازار اۋدارىڭىز

ەلىمىزدە كولىكتى تىركەۋ مەن جۇرگىزۋشى كۋالىگىن الۋ ءتارتىبى وزگەردى: جۇرگىزۋشىلەر نەنى ءبىلۋى كەرەك؟

• فوتو بەلگىلەنگەن تالاپتارعا ساي بولۋى ءتيىس.

• بۇرىن بەرىلگەن جەكە كۋالىكتەگى فوتوسۋرەتتى پايدالانۋعا بولادى, ەگەر قۇجات ءۇش جىلدان اسپايتىن مەرزىمدە بەرىلسە.

• ءوتىنىم ناتيجەسى جەكە كابينەتتەگى «حابارلامالار» بولىمىندە كورىنەدى.

• دايىن قۇجاتتى تاڭدالعان حقكو-دان جەكە كۋالىكپەن بارىپ الاسىز.