فوتو: gov.kz
كەزدەسۋگە سەنات دەپۋتاتتارى سەرگەي كارپليۋك پەن بيبىگۇل اققوجينا, قوستاناي وبلىستىق ءماسليحاتىنىڭ توراعاسى سايلاۋبەك ەششانوۆ جانە «Amanat» پارتياسى وبلىستىق فيليالىنىڭ توراعاسى المات دوسمۇحامەدوۆ قاتىستى.
«Kia Qazaqstan» زاۋىتى قوستانايدىڭ يندۋستريالىق ايماعىندا ورنالاسقان جانە وڭىردەگى اۆتوموبيل ءوندىرىسىنىڭ فلاگمانىنا اينالدى. شامامەن 63 گەكتار اۋماقتا جىلىنا 70 000 اۆتوكولىك شىعارۋعا مۇمكىندىك بەرەتىن زاماناۋي ءوندىرىس ورنى جۇمىس ىستەيدى. ەڭبەك ۇجىمىنىڭ ەداۋىر بولىگىن جاس ماماندار قۇرايدى.
ءوڭىر باسشىسى جاڭا كونستيتۋتسيا جوباسىن تالقىلاۋ اياسىندا ەڭبەك ادامىنىڭ مارتەبەسىن ارتتىرۋ ماسەلەسىنە ەرەكشە توقتالدى. ونىڭ ايتۋىنشا, قۇجاتتا جۇمىسشىلار ءۇشىن نەگىزگى الەۋمەتتىك كەپىلدىكتەر بەكىتىلگەن.
ماڭعىستاۋ مۇنايشىلارى جاڭا كونستيتۋتسيانى قولدايدى
«جاڭا كونستيتۋتسياسى جوباسىندا قاۋىپسىزدىك پەن گيگيەنا تالاپتارىنا ساي ەڭبەك ەتۋگە, ەشقانداي كەمسىتۋسىز ەڭبەگى ءۇشىن سىياقى الۋعا, سونداي-اق زاڭعا سايكەس الەۋمەتتىك قورعاۋعا قۇقىق كەپىلدەندىرىلگەن», دەدى قۇمار اقساقالوۆ.
جيىندا كاسىپورىننىڭ جاس مامانى امير كاراەۆ اتا زاڭ جوباسىنا قاتىستى پىكىرىن ءبىلدىردى. ونىڭ ايتۋىنشا, جاڭارتىلعان كونستيتۋتسيا جوباسىندا جاستاردىڭ رولىنە ەرەكشە ءمان بەرىلگەن.
«جاس بۋىن وكىلى رەتىندە مەن ءۇشىن بۇل قۇجاتتىڭ ساپالى ءبىلىم الۋعا, كاسىبي وسۋگە جانە ءوزىن-ءوزى جۇزەگە اسىرۋعا ناقتى جاعداي جاسايتىنى ماڭىزدى. جاستاردىڭ قوعامدىق-ساياسي ومىرگە قاتىسۋىنىڭ ماڭىزدىلىعى اتاپ وتىلگەنى – ءبىزدىڭ پىكىرىمىز ەسكەرىلەتىنىن بىلدىرەدى», دەدى ول.
وتباسى ينستيتۋتىنا قاتىستى ماسەلەلەرگە دە ەرەكشە نازار اۋدارىلدى. نەكەنىڭ ەر مەن ايەلدىڭ وداعى رەتىندە ايقىندالۋى, مەملەكەتتىڭ نەكە مەن وتباسىن قورعاۋى, سونداي-اق اتا-انالار مەن بالالاردىڭ قۇقىقتارى مەن مىندەتتەرى ءتۇسىندىرىلدى.
بۇل ماسەلەگە قاتىستى ءوز ۇستانىمىن كاسىپورىن قىزمەتكەرى فيرداۆس امانمۋراتوۆ ءبىلدىردى.
«جاڭا كونستيتۋتسيا جوباسىندا نەگىزگى وتباسىلىق قۇندىلىقتاردىڭ ناقتى بەكىتىلۋى مەن ءۇشىن ماڭىزدى. مەملەكەت نەكە مەن وتباسىن قورعايدى, اتا-انالاردى بالا تاربيەسىندە قولدايدى», دەدى ول.
كەزدەسۋ بارىسىندا جۇمىسشىلار الەۋمەتتىك-ەكونوميكالىق كەپىلدىكتەر, وندىرىستىك سەكتوردى قولداۋ جانە ءوڭىردى دامىتۋ پەرسپەكتيۆالارى جونىندە بىرقاتار سۇراقتار قويدى. كواليتسيا وكىلدەرى جان-جاقتى جاۋاپ بەرىپ, ازاماتتاردىڭ قوعامدىق-ساياسي ۇدەرىستەرگە بەلسەندى قاتىسۋىنىڭ ماڭىزدىلىعىن اتاپ ءوتتى.
الماتى جاستارى مەن IT قاۋىمداستىق كونستيتۋتسيالىق رەفورمانى قولدايدى
كەزدەسۋ قورىتىندىسى بويىنشا «Kia Qazaqstan» ەڭبەك ۇجىمى جاڭا كونستيتۋتسيا جوباسىن تولىق قولدايتىنىن جانە ادىلەتتى ءارى پروگرەسسيۆتى قازاقستاندى دامىتۋعا بەلسەندى قاتىسۋعا دايىن ەكەنىن ءبىلدىردى.
