International Review of Economics جۋرنالىندا جاريالانعان Md Zobraj Hosen زەرتتەۋى رامازان ايىنىڭ تۇتىنۋشىلىق مىنەز-ق ۇلىققا ىقپالىن ەكونومەتريالىق ادىستەر ارقىلى تالدايدى. اۆتور ناقتى ترانزاكتسيالىق دەرەكتەردى پايدالانىپ, سەبەپ-سالدارلىق بايلانىستى انىقتايدى.
بۇل ءتاسىل بەلگىلى ءبىر وقيعاعا دەيىن جانە كەيىن «اسەرگە ۇشىراعان» جانە «باقىلاۋ» توپتارىنىڭ وزگەرىسىن سالىستىرۋعا مۇمكىندىك بەرەدى. زەرتتەۋدە مۇسىلماندار مەن مۇسىلمان ەمەستەردىڭ رامازانعا دەيىنگى جانە كەزىندەگى شىعىندارى سالىستىرىلعان. ناتيجەسىندە ينفلياتسيا, ماۋسىمدىق وزگەرىستەر سەكىلدى فاكتورلاردىڭ ىقپالى الىنىپ تاستالىپ, ءدىني فاكتوردىڭ اسەرى ايقىندالعان.
ءبىر قاراعاندا بۇل پارادوكس كورىنۋى مۇمكىن: ورازا – تىيىم ايى, بىراق تۇتىنۋ ارتادى. الايدا كۇندىزگى تىيىم كەشكى اۋىزاشار داستارحاندارىمەن وتەلەدى. قوناقجايلىق پەن قايىرىمدىلىق كۇشەيەدى. رامازان – تەك اسكەتيزم ەمەس, ورتاقتىق پەن جومارتتىق كەزەڭى.
ەكونوميكالىق تۇرعىدان بۇل – سۇرانىستىڭ وڭ بەلگىسى. حالىقتىڭ ەداۋىر بولىگى ءبىر مەزەتتە ازىق-ت ۇلىك پەن ىلەسپە تاۋارلارعا شىعىندى ارتتىرسا, نارىقتاعى تەپە-تەڭدىك وزگەرەدى. ءتىپتى تاپشىلىق نەمەسە كەلىسىلگەن باعا بولماسا دا, باعا ءوسۋى مۇمكىن. دەمەك, رامازان كەزىندەگى قىمباتشىلىق كوبىنە نارىقتىڭ تابيعي رەاكتسياسى.
ەمپيريكالىق جانە تۇجىرىمدامالىق زەرتتەۋلەر رامازاننىڭ ەكىجاقتى تابيعاتىن كورسەتەدى. نورماتيۆتىك تۇرعىدا ول ۇنەمدىلىككە ۇندەيدى. الايدا تاجىريبەدە تۇتىنۋ كولەمى ارتادى.
ءىس جۇزىندە ەكى ءۇردىس قاتار بايقالادى: قايىرىمدىلىق كولەمى وسەدى, بىراق مەرەكەلىك تۇتىنۋ دا كوبەيەدى; الەۋمەتتىك ىنتىماق ارتادى, بىراق تاعام قالدىقتارى دا ۇلعايۋى مۇمكىن.
بۇل قاراما-قايشىلىق ەمەس, الەۋمەتتىك مىنەز-ق ۇلىقتىڭ كۇردەلىلىگى. ءدىني نورمالار تابىس دەڭگەيىمەن, مادەني داستۇرلەرمەن جانە نارىقتىق ورتامەن ءوزارا ىقپالداسادى.
