فوتو: اشىق دەرەككوزدەن
مينيسترلىك مالىمەتىنشە, بۇعان دەيىن بۇل قىزمەت تەك قولدانىستاعى قۇجات بولعان جاعدايدا, سونداي-اق كۋالىك جوعالۋى, ۇرلانۋى نەمەسە تەگى, اتى-ءجونىن وزگەرتكەن كەزدە عانا ونلاين فورماتتا كورسەتىلىپ كەلگەن. ەندى ول قۇجات مەرزىمى وتكەن كۋالىكتەرگە قاتىستى دا قولدانىلادى.
«جاڭاشىلدىق جۇرگىزۋشى كۋالىگىنىڭ بارلىق ساناتىنا قولدانىلادى. جارامدىلىق مەرزىمى وتكەننەن كەيىن كۋالىكتى اۋىستىرۋ كەزىندە كولىك قۇرالىن باسقارۋعا رۇقسات الۋ ءۇشىن مىندەتتى تۇردە مەديتسينالىق تەكسەرۋدەن ءوتۋ قاجەت. مەديتسينالىق تەكسەرۋدەن وتكەن پايدالانۋشىلاردىڭ مالىمەتتەرى ءوتىنىم بەرۋ ساتىندە مەملەكەتتىك اقپاراتتىق جۇيەلەردەن اۆتوماتتى تۇردە جۇكتەلەدى. ال ەگەر پايدالانۋشى كۋالىكتى مەرزىمى اياقتالعانعا دەيىن الدىن الا اۋىستىرسا, مەديتسينالىق تەكسەرۋدەن ءوتۋ تالاپ ەتىلمەيدى. قىزمەت كورسەتۋ مەرزىمى – 60 مينۋت», دەلىنگەن مينيسترلىك تاراتقان حابارلامادا.
ەلىمىزدە كولىكتى تىركەۋ مەن جۇرگىزۋشى كۋالىگىن الۋ ءتارتىبى وزگەردى: جۇرگىزۋشىلەر نەنى ءبىلۋى كەرەك؟
ەGov.kz پورتالى ارقىلى قىزمەتتى الۋ ءۇشىن:
– پورتالعا كىرىپ, «ازاماتتارعا» – «كولىك جانە كوممۋنيكاتسيالار» – «اۆتوموبيل كولىگى» بولىمىنە ءوتۋ;
– «جۇرگىزۋشى كۋالىگىن الۋ» قىزمەتىن تاڭداۋ;
– دايىن قۇجاتتى الۋ ءۇشىن حقكو-نى كورسەتۋ جانە فوتوسۋرەتتى جۇكتەۋ (فوتوعا قويىلاتىن تالاپتارمەن تانىسۋ);
– قولتاڭبا ۇلگىسىن جۇكتەۋ جانە بايلانىس تەلەفونىن ەنگىزۋ;
– مەملەكەتتىك باج سالىعىن تولەۋ (1,25 اەك). قايتا ءوتىنىم بەرگەن جاعدايدا «بۇرىن تولەنگەن» فۋنكتسياسىن پايدالانۋعا بولادى;
– ءوتىنىمدى قول قويۋدىڭ قولجەتىمدى تاسىلدەرىنىڭ بىرىمەن راستاۋ.
شىمكەنتتە جۇرگىزۋشى كۋالىگىن الۋعا كەلگەن ادام كولىكتى اۋدارىپ الدى
eGov Mobile قوسىمشاسى ارقىلى قىزمەتتى الۋ ءۇشىن:
– قوسىمشاعا كىرىپ, «eGov مەملەكەتتىك قىزمەتتەر» – «جۇرگىزۋ جانە كولىك» بولىمىنە ءوتۋ;
– «جۇرگىزۋشى كۋالىگىن بەرۋ» قىزمەتىن تاڭداۋ;
– فوتوعا قويىلاتىن تالاپتارمەن تانىسىپ, فايلدى جۇكتەۋ;
– قولتاڭبا ۇلگىسىن جۇكتەۋ نەمەسە جازىپ, «ساقتاۋ» باتىرماسىن باسۋ;
– دايىن قۇجاتتى الۋ ءۇشىن حقكو ءبولىمىن تاڭداپ, «جالعاستىرۋ» باتىرماسىن باسۋ;
– مەملەكەتتىك باج سالىعىن تولەۋ (1,25 اەك). قايتا ءوتىنىم بەرگەن جاعدايدا «بۇرىن تولەنگەن» فۋنكتسياسىن پايدالانۋعا بولادى;
– ءوتىنىمدى قولجەتىمدى تاسىلدەردىڭ بىرىمەن قول قويۋ.
قىزمەت ناتيجەسى eGov.kz پورتالىنداعى جەكە كابينەتتەگى «حابارلامالار» بولىمىندە جانە eGov Mobile قوسىمشاسىنداعى «حابارلامالار» – «جەكە كابينەت تاريحى» بولىمىندە كورسەتىلەدى. دايىن قۇجاتتى راسىمدەۋ كەزىندە تاڭدالعان حقكو-دان, جەكە كۋالىكتى كورسەتىپ, الۋعا بولادى.
«جاقىن ارادا جۇرگىزۋشى كۋالىگىن اۋىستىرۋ قىزمەتىن تولىقتاي ونلاين فورماتقا كەزەڭ-كەزەڭىمەن كوشىرۋ جوسپارلانىپ وتىر. وسى جىلدىڭ ءساۋىر ايىنان باستاپ وتىنىمدەردى ەلەكتروندى تۇردە بەرۋ تاسىلىنە باسىمدىق بەرىلەدى, بۇل حقكو-عا بارۋدان باس تارتىپ, ونداعى كەزەكتەردى ازايتۋعا مۇمكىندىك بەرەدى. قىزمەتتىڭ ونلاين فورماتتا بۇرىننان قولجەتىمدى ءارى سۇرانىسقا يە ەكەنىن ەسكەرسەك, بۇل قادام پروتسەستى تسيفرلاندىرۋدىڭ قيسىندى جالعاسى بولماق», دەدى تسيفرلىق دامۋ جانە جاساندى ينتەللەكت ۆيتسە-ءمينيسترى روستيسلاۆ كونياشكين.
قىزىلوردادا جۇرگىزۋشى كۋالىگىنەن ايىرىلعان 15 ازامات قايتادان جول ەرەجەسىن بۇزدى
فوتوسۋرەتتى جۇكتەۋ كەزىندە بەلگىلەنگەن تالاپتاردى ساقتاۋ ماڭىزدى. سۋرەت فورماتى ساپا پارامەترلەرىنە سايكەس بولۋى ءتيىس. تولىق تالاپتار تىزىمىمەن eGov.kz پورتالىنداعى قىزمەت پاسپورتىنان تانىسۋعا بولادى.
سونىمەن قاتار بۇرىن بەرىلگەن جەكە كۋالىكتەگى نەمەسە تولقۇجاتتاعى فوتوسۋرەتتى پايدالانۋ مۇمكىندىگى بار. بۇل جاعدايدا سۋرەت الىناتىن قۇجات ءۇش جىلدان اسپايتىن مەرزىمدە بەرىلگەن بولۋى ءتيىس. ەگەر مەرزىم ءۇش جىلدان اسسا, جۇيە وزەكتى فوتوسۋرەتتى قولمەن جۇكتەۋدى ۇسىنادى.
ءوتىنىم بەرۋ بارىسىندا كەيبىر جاعدايلاردا پايدالانۋشى قۇجاتىنىڭ دەرەكتەرى مەملەكەتتىك اقپاراتتىق جۇيەلەردە تسيفرلاندىرىلماعان بولۋى مۇمكىن. مۇنداي جاعدايدا ءتيىستى حابارلاما كورسەتىلەدى جانە دەرەكتەردى جاڭارتۋ ءۇشىن حقكو-عا جەكە جۇگىنۋ قاجەت بولۋى ىقتيمال.
سونداي-اق جۇيە بەرەشەكتەردىڭ بار-جوعىن اۆتوماتتى تۇردە تەكسەرەدى. ەگەر جۇرگىزۋشىنىڭ 30 كۇننەن استام ۋاقىت بۇرىن سالىنعان, تولەنبەگەن ايىپپ ۇلى بولسا, ول تولىق وتەلگەنگە دەيىن كۋالىكتى اۋىستىرۋ مۇمكىن بولمايدى.
ايتا كەتەيىك, جۇرگىزۋشى كۋالىگىن ونلاين بەرۋ قىزمەتى ىسكە قوسىلعان ساتتەن باستاپ ونى 60 000-نان استام رەت پايدالانعان.
