جوبا اياسىندا زاۋىت قۇرىلىسىنا 41,9 ملرد تەڭگە ينۆەستيتسيا سالۋ جوسپارلانىپ وتىر. كاسىپورىن جىلىنا 280 ملن ليترگە دەيىن الكوگولسىز سۋسىن وندىرە الادى. نىساندى ىسكە قوسۋ 2027 جىلعا بەلگىلەنگەن.
اقتوبەدەگى «اقىلدى» وتكەل: NAZAR تەحنولوگياسى جاياۋ جۇرگىنشىلەردى قالاي قورعايدى؟
ءوڭىر باسشىسى بۇل باستاما وبلىستىڭ ونەركاسىپتىك الەۋەتىن ارتتىرۋدا ماڭىزدى ءرول اتقاراتىنىن اتاپ ءوتتى. ونىڭ ايتۋىنشا, جوبا ءىرى ينۆەستيتسيا تارتۋمەن قاتار, جاڭا جۇمىس ورىندارىن اشۋعا, زاماناۋي تەحنولوگيالاردى ەنگىزۋگە جانە ءوندىرىستىڭ ەكولوگيالىق ستاندارتتارىن جەتىلدىرۋگە مۇمكىندىك بەرەدى. جەرگىلىكتى بيلىك تاراپىنان ينۆەستورعا جان-جاقتى قولداۋ كورسەتىلەدى.
جوبا شەڭبەرىندە 150 جاڭا جۇمىس ورنى اشىلادى. قازىرگى تاڭدا كاسىپورىن قۇرىلىسى ءۇشىن 41-رازەزد اۋماعىنان 25 گەكتار جەر تەلىمى ءبولىنىپ, جوبالاۋ جانە دايىندىق جۇمىستارى جۇرگىزىلىپ جاتىر.
جاڭا وندىرىستىك كەشەن Coca-Cola Içecek كومپانياسىنىڭ قازاقستانداعى ءتورتىنشى زاۋىتى بولماق. ول زاماناۋي تەحنولوگيالىق جەلىلەرمەن, قالدىقتاردى ەكولوگيالىق باسقارۋ جۇيەلەرىمەن جانە حالىقارالىق تۇراقتى دامۋ ستاندارتتارىنا ساي ەنەرگيا ۇنەمدەيتىن شەشىمدەرمەن جابدىقتالادى.
اتالعان جوبانىڭ جۇزەگە اسۋى اقتوبە وبلىسىنىڭ يندۋستريالىق ورتالىق رەتىندەگى مارتەبەسىن نىعايتىپ, وڭىرگە ءىرى حالىقارالىق ينۆەستيتسيالار تارتۋعا جانە ەكونوميكانىڭ ساباقتاس سالالارىن دامىتۋعا سەرپىن بەرەدى.
