زاۋىت قىزمەتكەرلەرىنىڭ كاسىبي بىلىكتىلىگىن ارتتىرۋ ماقساتىندا حالىقارالىق تاجىريبە تارتىلعان. جەرگىلىكتى ماماندار شەتەلدىك ءوندىرىس الاڭدارىندا ارنايى وقۋدان ءوتىپ, بۇراندالى قوسىلىستاردى كەسۋ, Dopeless «مايسىز» جابىندىسىن جاعۋ سياقتى جوعارى تەحنولوگيالىق وپەراتسيالاردى مەڭگەردى. بۇل تاجىريبە قازىر اقتاۋدا تولىق كولەمدە قولدانىلىپ, وندىرىستىك جانە باسقارۋشىلىق پروتسەستەردى جەرگىلىكتى ماماندار جۇزەگە اسىرا باستادى.
قازىرگى تاڭدا زاۋىتتا نەگىزىنەن ماڭعىستاۋ ءوڭىرىنىڭ تۇرعىندارى ەڭبەك ەتەدى. بۇل جوبا حالىقارالىق ينۆەستورلاردىڭ تەك ءوندىرىس ورنىن اشۋدى عانا ەمەس, جەرگىلىكتى كادرلاردىڭ كاسىبي دەڭگەيىن جەتىلدىرۋدى دە باستى ماقساتقا العانىن كورسەتەدى.
«اقتاۋ تەڭىز پورتىنا» 25 ملرد تەڭگەدەن استام ينۆەستيتسيا تارتىلدى
زاۋىت مۇناي-گاز سالاسىنا ارنالعان پرەميۋم ساناتتاعى قۇبىر ونىمدەرىن وڭدەيدى. ءونىم ديامەترى 114-تەن 350 مم-گە دەيىنگى قۇبىرلاردى قامتيدى, ال جىلدىق وندىرىستىك قۋاتى 40 مىڭ تونناعا جەتەدى. وڭدەلەتىن قۇبىرلاردىڭ باسىم بولىگى كۇكىرتسۋتەگىنە ءتوزىمدى جوعارى تەحنولوگيالىق بولاتتان جاسالعان. زاماناۋي Dopeless تەحنولوگياسى ءوندىرىس تيىمدىلىگىن ارتتىرىپ, ەكولوگيالىق قاۋىپسىزدىكتى قامتاماسىز ەتەدى.
اتالعان جوبا ءوڭىر ەكونوميكاسىن ارتاراپتاندىرۋعا, جاڭا جۇمىس ورىندارىن اشۋعا جانە حالىقارالىق دەڭگەيدەگى وندىرىستىك مادەنيەتتى قالىپتاستىرۋعا باعىتتالعان.
ماڭعىستاۋ اتوم ەنەرگەتيكالىق كومبيناتىنىڭ ۇجىمى جاڭا كونستيتۋتسيانى قولدادى
